لۋكاشەنكو نازارباەۆتىڭ ونى اراق ىشۋگە ماجبۇرلەگەنىن ايتتى

3535
Adyrna.kz Telegram

بەلارۋس پرەزيدەنتى الەكساندر لۋكاشەنكو قازاقستان مەن رەسەيدىڭ ءبىرىنشى باسشىلارى نۇرسۇلتان نازارباەۆ جانە بوريس ەلتسينمەن قالاي ىشىمدىك ىشكەنىن ەسكە الدى. ونىڭ ايتۋىنشا، ەلتسين مەن نازارباەۆ ونى الكوگول ىشۋگە ماجبۇرلەگەن، ال ءوزى بولسا، مۇنى تەك قۇرمەت ءۇشىن عانا جاساعان، دەپ حابارلايدى "ادىرنا" ۇلتتىق پورتالى stan.kz-كە سىلتەمە جاساپ.

"مەن ءوزىم ىشەتىن ادام ەمەسپىن، بىراق ەلتسينمەن اراكىدىك ءىشىپ تۇرۋعا تۋرا كەلەتىن. سىيلايسىڭ نەمەسە سىيلامايسىڭ. ەندى سىيلايسىڭ عوي. مەن ىشىمدىككە مۇلدە شىداي المايمىن", –  دەپ ءبولىستى لۋكاشەنكو ەلتسينمەن وتكەن ۋاقىتتارىنىڭ بىرىمەن.

ءدال وسىعان ۇقساس جاعداي قازاقستاننىڭ بۇرىنعى باسشىسى نازارباەۆپەن دە بولعان.

"ەگەر نازارباەۆ وتىرا بەرىپ، ماعان: "ساشا، ءبىر ءبىر رومكەدەن" – دەسە، مەن نە ايتامىن؟ ىشپەيمىن دەيمىن بە؟" – دەيدى بەلارۋس باسشىسى. لۋكاشەنكو بۇعان دەيىن ورگانيزم ەرەكشەلىكتەرىنە بايلانىستى ىشىمدىك ىشپەۋگە تىرىساتىنىن مالىمدەگەن.

 

لۋكاشەنكونىڭ الكوگولگە دەگەن كوزقاراسىن بىرقاتار شەشىمدەرىنەن اڭعارۋعا بولادى. ماسەلەن، پرەزيدەنت تۇنگى ۋاقىتتا الكوگول ساتۋعا شەكتەۋدى الىپ تاستاعان. سونىمەن بىرگە ول بەلورۋستاردى "ەۋروپالىق ستيلدە" ىشۋگە ۇيرەتۋگە نيەت بىلدىرگەن.

"ادامدار ەكى كۇندە ءبىر رەت 70-100 گرامم اراق ءىشىپ تۇرسا، مەن وعان قارسى ەمەسپىن. بىراق ءبىز 70-100 گرامم دەگەندى بىلمەيمىز. ەگەر ءبىز ۇستەل باسىنا جايعاساتىن بولساق، بىردەن ءبىر ليتر اششى سۋدى تاۋىسىپ تاستايمىز. ال بۇدان دەنساۋلىق جاقسارمايدى. سوندىقتان شاراپتى تۇتىنۋدىڭ ەۋروپالىق نۇسقاسىن ۇيرەنۋ قاجەت", – دەپ سىناعان پوليتيك.

"ادىرنا" ۇلتتىق پورتالى

پىكىرلەر