Belarýs prezıdenti Aleksandr Lýkashenko Qazaqstan men Reseıdiń birinshi basshylary Nursultan Nazarbaev jáne Borıs Elınmen qalaı ishimdik ishkenin eske aldy. Onyń aıtýynsha, Elın men Nazarbaev ony alkogol ishýge májbúrlegen, al ózi bolsa, muny tek qurmet úshin ǵana jasaǵan, dep habarlaıdy "Adyrna" ulttyq portaly stan.kz-ke silteme jasap.
"Men ózim ishetin adam emespin, biraq Elınmen arakidik iship turýǵa týra keletin. Syılaısyń nemese syılamaısyń. Endi syılaısyń ǵoı. Men ishimdikke múlde shydaı almaımyn", – dep bólisti Lýkashenko Elınmen ótken ýaqyttarynyń birimen.
Dál osyǵan uqsas jaǵdaı Qazaqstannyń burynǵy basshysy Nazarbaevpen de bolǵan.
"Eger Nazarbaev otyra berip, maǵan: "Sasha, bir bir rómkeden" – dese, men ne aıtamyn? Ishpeımin deımin be?" – deıdi Belarýs basshysy. Lýkashenko buǵan deıin organızm erekshelikterine baılanysty ishimdik ishpeýge tyrysatynyn málimdegen.
Lýkashenkonyń alkogolge degen kózqarasyn birqatar sheshimderinen ańǵarýǵa bolady. Máselen, prezıdent túngi ýaqytta alkogol satýǵa shekteýdi alyp tastaǵan. Sonymen birge ol belorýstardy "eýropalyq stılde" ishýge úıretýge nıet bildirgen.
"Adamdar eki kúnde bir ret 70-100 gramm araq iship tursa, men oǵan qarsy emespin. Biraq biz 70-100 gramm degendi bilmeımiz. Eger biz ústel basyna jaıǵasatyn bolsaq, birden bir lıtr ay sýdy taýysyp tastaımyz. Al budan densaýlyq jaqsarmaıdy. Sondyqtan sharapty tutynýdyń eýropalyq nusqasyn úırený qajet", – dep synaǵan polıtık.
"Adyrna" ulttyq portaly
