اتىشۋلى اقىن بالتابەك نۇرعاليەۆ بۇل جولى تۇڭعىش پرەزيدەنتكە «ۇلى دالانىڭ مونولوگى» اتتى ارناۋ جازدى، دەپ حابارلايدى "ادىرنا" ۇلتتىق پورتالى.
"تاڭ اتپايىن دەسە دە، كۇن قويمايدى» حالىق دانالىعى. ءبىز – ۇلى دالانىڭ بالالارىمىز. ەلباسى", - دەپ جازدى اقىن بالتابەك ءوزىنىڭ فەيسبۋك پاراقشاسىندا. وقيمىن دەگەن جۇرتقا مىنە:
ەلباسى
ۇلى دالا – ۇلان-بايتاق دالامىن!
ءتالىم ەتتىم تاريحتىڭ مول ساباعىن.
جانارىما قامشى ءتيدى قانشا رەت،
جىلاي-جىلاي، اعا جازداپ جانارىم!..
مەن – دالامىن – ەلجىرەتكەن اسپاندى،
مەن – دالامىن – تولعاندىرعان اسقاردى.
بوداندىقتىڭ جارىپ ءوتىپ تۇنەگىن،
كۇنىم شىعىپ، عاجاپ عۇمىر باستالدى!
جان قۋاندى، جۇرەگىمە جىر قونىپ،
ۇلتىن سۇيگەن ۇجدانى زور ۇل كورىپ.
تاڭ-بوستاندىق اتقانىنا كۋامىن،
نازارباەۆ نۇرسۇلتانىم كۇن بولىپ!
قايسار حالقىم قازاعىما سەنەم مەن،
بۇل الەمدە قازاق باردا – مەن ولمەن.
قازاعىمنىڭ تاڭى بولدى بوستاندىق،
كۇن قويمادى، تاڭ اتپايىن دەگەنمەن!
الەم كوردى قازاعىمنىڭ ايبارىن،
تۇڭعىش مارتە پرەزيدەنتىن سايلاۋىن.
نۇرسۇلتانىم كوش باستادى جارقىراپ،
بەرەكەمنىڭ بيىك تىگىپ بايراعىن!
نۇرسۇلتانىم داۋلەتتى قىپ كوشىمدى،
مەملەكەتتىك مەرەيىمدى ءوسىردى.
جاپپاي قىرىپ جوياتۇعىن قارۋدى،
تاراتپاۋعا قابىلدادى شەشىمدى!
بوستاندىق بار! ەش سەبەپ جوق ۇركىنگە!
بوستاندىق بار! ەندى، ءتىلىم، ىركىلمە!
بولىنبەيدى بوستاندىق پەن ەلباسى،
تاڭ مەن كۇننىڭ ءبولىنۋى مۇمكىن بە؟!
نۇرىن شاشىپ، ساۋىن ايتىپ بار ماڭعا،
ەلباسىم كەپ ەلوردانى سالعاندا،
الەم تانىپ كەڭدىگى مەن ەلدىگىن،
ءدۇيىم قازاق قول جەتكىزدى ارمانعا!
ەلباسىم بار – جەڭىستەرگە باستاعان،
مەن ەركىنمىن، ەندى كىمنەن جاسقانام؟!
ىنتىماقتان ىرىس جاساپ كەلەدى
سارىارقادا اسقاق تۇرعان استانام!
ەلىم كۋا! ۇلى دالا اتاندىم!
قۇشاعىم كەڭ، قاسيەتتى وتانمىن!
تۋىم مەنىڭ كوك اسپانداي كورىنىپ،
جەلبىرەپ تۇر توبەسىندە جاھاننىڭ!
اقيقاتقا اينالدى عوي ارمانىم،
وركەندەدىم، گۇل-گۇل جايناپ جان-جاعىم!
قازاعىمنىڭ ماڭگى بولسىن ەلدىگى،
جاساي بەرسىن بوستاندىعىم – تاڭ-باعىم!
تاۋەلسىز بوپ، كوتەرگەنبىز تۋ العاش،
جاڭالىققا جۇرەك قالاي قۋانباس؟..
ەلدىگىمىز ەلباسىمەن قالاندى،
ەر ەڭبەگىن ەشكىم جوققا شىعارماس.
دەگەنى راس: "قازاقستانىم گۇلدەسىن!",
ويلاپ ىلعي مەملەكەتتىڭ مۇددەسىن.
وتىز جىلدا ءسىڭىردى عوي زور ەڭبەك،
مىعىم ەتىپ ەلىمىزدىڭ ىرگەسىن!
ءجانسوزىم بۇل، جۇرەكتەگى جازۋىم،
جۇرەكتەرگە جەتسىن مەنىڭ ءاز ءۇنىم.
ۇلى دالا – مەندىك ەسىم ەرەكشە،
ەسىم بەرگەن ەلباسىعا رازىمىن!، - دەپ جازدى بالتابەك نۇرعاليەۆ ءوز Facebook پاراقشاسىندا.
"ادىرنا" ۇلتتىق پورتالى
