ۇكىمەت وتىرىسىنىڭ كۇن تارتىبىنە سايكەس ءبىلىم بەرۋدى جانە عىلىمدى دامىتۋدىڭ جاڭا تاسىلدەرى ماسەلەسى كوتەرىلدى. ونىڭ ءبىر باعىتى رەتىندە دارىندى بالالاردى قولداۋ جانە دامىتۋ ءسوز بولدى.
شىمكەنتتە اتالعان ماقساتتا دارىندى بالالار ءۇشىن وليمپيادالىق رەزەرۆ قۇرىلدى. پاندىك وليمپيادا «وqylyq» اۆتوماتتاندىرىلعان قاشىقتىقتان وقىتۋ پلاتفورماسىنىڭ پروكتورينگ جۇيەسى فورماتىندا وتۋدە. وليمپيادا بارىسى اكادەميالىق ادالدىقتى ساقتاپ، «ادالدىق الاڭى» جوبالىق كەڭسەمەن ونلاين ترانسلياتسيالاندى.
باسقارما جانىنان دارىندى بالالاردى انىقتايتىن «قابىلەت» كابينەتى اشىلدى. Qabilet قىزمەتى پيلوتتىق رەجيمدە ىسكە قوسىلدى، ءبىرىنشى كەزەڭدە جوباعا 10-11 جاستاعى وقۋشىلار قاتىسا الادى. كەلەسى كەزەڭدەردە ءجاسوسپىرىم بالالار قامتىلادى. «QABILET» قىزمەتى جوباسىندا بەيىمدەلۋ بارىسىندا جاس ەرەكشەلىگىنە بايلانىستى ءتۇرلى نۇسقاۋلىقتارمەن قاتار، كەز كەلگەن بالا ءوز دەڭگەيىن انىقتاي الاتىن پلاتفورمادا ءادىس-تاسىلدەردى لوگيكالىق سۇراقتارمەن ۇشتاستىراتىن تاپسىرمالار بەرىلگەن. جوبادا 10-11 جاستاعى وقۋشىلاردىڭ قابىلەتتەرىن پسيحولوگيالىق دياگنوستيكالاۋ بويىنشا 4ك باعىتى جۇزەگە اسىرىلۋدا. ولار: سىني ويلاۋ، كرەاتيۆتىلىك، كوممۋنيكاتسيا، كوللابوراتسيا. 2021-2022 وقۋ جىلىندا شىمكەنت قالاسى بويىنشا 10-11 جاستاعى بالالاردىڭ جالپى سانى 47489 وقۋشى بولسا، ونىڭ ىشىندە تەستتەن وتكەن وقۋشىلار سانى بۇگىنگى تاڭدا 11713 بالاعا جەتتى. جوبا ادامي كاپيتالدى قالىپتاستىرۋعا ۇلكەن مۇمكىندىك بەرمەك.
ودان وزگە، سەلەكتورلىق جيىندا قر بعم ا.ايماعامبەتوۆ زياتكەرلىك سايىستىڭ جەڭىمپازدارى ءۇشىن جوو-نا ۇبت تاپسىرماي گرانتقا ءتۇسۋ، وليمپيادا جۇلدەگەرلەرى مەن وقىتۋشىلارىنا سىياقى بەرۋ سەكىلدى قولداۋ ءىس-شارالارى قارالىپ جاتقانىن ايتتى.
شىمكەنت قالاسى اكىمدىگىنىڭ ءباسپاسوز قىزمەتى
