Úkimet otyrysynyń kún tártibine sáıkes bilim berýdi jáne ǵylymdy damytýdyń jańa tásilderi máselesi kóterildi. Onyń bir baǵyty retinde daryndy balalardy qoldaý jáne damytý sóz boldy.
Shymkentte atalǵan maqsatta daryndy balalar úshin olımpıadalyq rezerv quryldy. Pándik olımpıada «Oqylyq» avtomattandyrylǵan qashyqtyqtan oqytý platformasynyń proktorıng júıesi formatynda ótýde. Olımpıada barysy akademııalyq adaldyqty saqtap, «Adaldyq alańy» jobalyq keńsemen onlaın translıaııalandy.
Basqarma janynan daryndy balalardy anyqtaıtyn «Qabilet» kabıneti ashyldy. Qabilet qyzmeti pılottyq rejımde iske qosyldy, birinshi kezeńde jobaǵa 10-11 jastaǵy oqýshylar qatysa alady. Kelesi kezeńderde jasóspirim balalar qamtylady. «QABILET» qyzmeti jobasynda beıimdelý barysynda jas ereksheligine baılanysty túrli nusqaýlyqtarmen qatar, kez kelgen bala óz deńgeıin anyqtaı alatyn platformada ádis-tásilderdi logıkalyq suraqtarmen ushtastyratyn tapsyrmalar berilgen. Jobada 10-11 jastaǵy oqýshylardyń qabiletterin psıhologııalyq dıagnostıkalaý boıynsha 4K baǵyty júzege asyrylýda. Olar: synı oılaý, kreatıvtilik, kommýnıkaııa, kollaboraııa. 2021-2022 oqý jylynda Shymkent qalasy boıynsha 10-11 jastaǵy balalardyń jalpy sany 47489 oqýshy bolsa, onyń ishinde testten ótken oqýshylar sany búgingi tańda 11713 balaǵa jetti. Joba adamı kapıtaldy qalyptastyrýǵa úlken múmkindik bermek.
Odan ózge, selektorlyq jıynda QR BǴM A.Aımaǵambetov zııatkerlik saıystyń jeńimpazdary úshin JOO-na UBT tapsyrmaı grantqa túsý, olımpıada júldegerleri men oqytýshylaryna syıaqy berý sekildi qoldaý is-sharalary qaralyp jatqanyn aıtty.
Shymkent qalasy ákimdiginiń baspasóz qyzmeti
