ارمان جۇماگەلديەۆتىڭ ادۆوكاتتارى ونى الماتىداعى تەرگەۋ يزولياتورىنان الىپ شىققانىن ايتتى. قاماۋدا وتىرعان ارمان جۇماگەلديەۆتىڭ قازىر قايدا ەكەنى بەلگىسىز، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
قۇقىق قورعاۋشى تالعات ەسىموۆتىڭ ايتۋىنشا، اقپاننىڭ 1-ىنەن 2-سىنە قاراعان ءتۇنى «ديكي ارماندى» تەرگەۋ يزولياتورىنان الىپ شىققان. قورعانىس تاراپى كومەك سۇراپ، قازاقستان پرەزيدەنتى قاسىم-جومارت توقاەۆقا جۇگىندى.
– ارمان جۇماگەلديەۆكە ەكى رەت باردىق. جاۋاپ الۋ كەزىندە ول تەرگەۋمەن ىنتىماقتاسۋعا دايىن ەكەنىن مالىمدەدى، – دەدى تالعات ەسىموۆ Facebook جەلىسىندەگى تىكەلەي ەفيردە.
ارمان جۇماگەلديەۆتىڭ قازىر قايدا ەكەنى بەلگىسىز. قۇقىق قورعاۋشىنىڭ كەيبىر مالىمەتتەرى بويىنشا، كۇدىكتىنى ۇقك عيماراتىنا اپارۋى مۇمكىن.
– تەرگەۋ توبىنىڭ مۇشەلەرى جۇماگەلديەۆتىڭ كۋالىك بەرۋگە دايىن ەكەنىن ءبىلدى. ول ءوزىنىڭ كىناسىزدىگىن دالەلدەۋ ءۇشىن كۋالىك بەرەتىنىن ايتتى. باس پروكۋرور بۇل نە دەگەن باسسىزدىق، – دەدى ادۆوكات ۆيكتور كريۆونوسوۆ.
“ادىرنا” ۇلتتىق پورتالى
