Arman Jumageldıevtiń advokattary ony Almatydaǵy tergeý ızolıatorynan alyp shyqqanyn aıtty. Qamaýda otyrǵan Arman Jumageldıevtiń qazir qaıda ekeni belgisiz, dep habarlaıdy “Adyrna” ulttyq portaly Orda.kz saıtyna silteme jasap.
Quqyq qorǵaýshy Talǵat Esimovtiń aıtýynsha, aqpannyń 1-inen 2-sine qaraǵan túni «Dıkıı Armandy» tergeý ızolıatorynan alyp shyqqan. Qorǵanys tarapy kómek surap, Qazaqstan prezıdenti Qasym-Jomart Toqaevqa júgindi.
– Arman Jumageldıevke eki ret bardyq. Jaýap alý kezinde ol tergeýmen yntymaqtasýǵa daıyn ekenin málimdedi, – dedi Talǵat Esimov Facebook jelisindegi tikeleı efırde.
Arman Jumageldıevtiń qazir qaıda ekeni belgisiz. Quqyq qorǵaýshynyń keıbir málimetteri boıynsha, kúdiktini UQK ǵımaratyna aparýy múmkin.
– Tergeý tobynyń músheleri Jumageldıevtiń kýálik berýge daıyn ekenin bildi. Ol óziniń kinásizdigin dáleldeý úshin kýálik beretinin aıtty. Bas prokýror bul ne degen bassyzdyq, – dedi advokat Vıktor Krıvonosov.
“Adyrna” ulttyq portaly
