تاشكەنت قالاسىندا جوعارى جانە ورتا ارناۋلى ءبىلىم ءمينيسترىنىڭ ورىنباسارى راحيمجون حاكيموۆ پەن م.نارىكباەۆ اتىنداعى كازگيۋ ۋنيۆەرسيتەتىنىڭ باسقارما توراعاسى تالعات نارىكباەۆتىڭ كەزدەسۋى ءوتتى.
كەزدەسۋدە تاراپتار كازگيۋ مەن وزبەكستاننىڭ زاڭ ۋنيۆەرسيتەتتەرى اراسىنداعى ىنتىماقتاستىق پەرسپەكتيۆالارىن تالقىلادى. اتاپ ايتقاندا، عىلىمي-يننوۆاتسيالىق قىزمەت سالاسىنداعى ىنتىماقتاستىق ماسەلەلەرى، سونداي-اق بىرلەسكەن ءبىلىم بەرۋ باعدارلامالارىن دامىتۋ پەرسپەكتيۆالارى قاراستىرىلدى.
«ەگەر ىنتىماقتاستىق تۋرالى ايتاتىن بولساق، عىلىمي-يننوۆاتسيالىق قىزمەتتەگى ءوزارا ءىس-قيمىلدى ودان ءارى كەڭەيتۋ، بىرلەسكەن ءبىلىم بەرۋ باعدارلامالارىن ازىرلەۋ جالعاسىپ كەلە جاتقان سەرىكتەستىكتى جاڭا دەڭگەيگە كوتەرۋگە قىزمەت ەتەر ەدى»، - دەدىر.حاكيموۆ.
كەلىسسوزدەر بارىسىندا م.نارىكباەۆ اتىنداعى كازگيۋ ۋنيۆەرسيتەتىنىڭ قاتىسۋىمەن وزبەكستاندا جاڭا جوعارى وقۋ ورنىن قۇرۋ ماسەلەسى قارالدى. تاراپتار بۇل باعىتتى جۇزەگە اسىرۋ مۇمكىندىكتەرىن جان-جاقتى تالقىلاۋعا كەلىستى.
«ءبىز ءوز تاراپىمىزدان كەز كەلگەن قولداۋدى كورسەتۋگە دايىنبىز. كازگيۋ ۋنيۆەرسيتەتىندە اۋقىمدى حالىقارالىق جوبالاردى جۇزەگە اسىرۋ ءۇشىن رەسۋرستار مەن تاجىريبە جەتكىلىكتى»، - دەدى ت.نارىكباەۆ.
ءوز كەزەگىندە وزبەك تاراپى اكادەميالىق ادالدىق قاعيداتتارىن ىلگەرىلەتۋ ارقىلى ءبىلىم ساپاسىن ارتتىرۋ ماقساتىندا ەلىمىزدىڭ جەتەكشى ۋنيۆەرسيتەتتەرىن بىرىكتىرەتىن قازاقستاندىق «اكادەميالىق ادالدىق ليگاسىن»قۇرۋ تاجىريبەسىن جوعارى باعالادى. جاقىن ارادا وزبەكستاننىڭ قىزىعۋشىلىق تانىتقان جوعارى وقۋ ورىندارىنىڭ وكىلدەرىنە وسى ۇيىمعا مۇشەلىكتىڭ ارتىقشىلىقتارى تۋرالى بىلە الاتىن ترەنينگ ۇيىمداستىرۋ جوسپارلانۋدا.
