ەرلان سايروۆ "Nur Otan" پارتياسىنىڭ كەزەكتەن تىس سەزىنە قاتىستى پوست جازىپ، اتالعان ءىس-شارانىڭ قورىتىندىسىمەن ءبولىستى، دەپ حابارلايدى "ادىرنا" ۇلتتىق پورتالى.
بۇل قازاقستاننىڭ ساياسي تاريحىنداعى اسا ماڭىزدى تاريحي وقيعا بولدى. تەك قانا پارتيانىڭ باسشىلىعى اۋىسقان جوق، ەلىمىزدە ساياسي باعىت-باعدار اۋىستى. دالىرەك ايتساق، 30-جىل مەملەكەتتى باسقارعان توپ ساياسي ارەنادان كەتتى. جالپى، ءبىز مينيسترلەردىڭ اۋىسۋى، پارتيانىڭ باسشىلىعىنىڭ اۋىسۋى جونىندە ايتقاندا ودان ەشقانداي سەنساتسيا جاساۋدىڭ قاجەتى جوق. ادامنىڭ تابيعاتى سول- بىرەۋ كەلەدى، بىرەۋ كەتەدى. ءدال سول سياقتى ساياساتتا دا توپتار اۋىسىپ تۇرۋى قاجەت. ونداي اۋىسۋ بولماسا، ساياسي ورگانيزم تۇرىپ قالعان سۋ ءتارىزدى "بورسىپ كەتەدى". سۋدىڭ ءوزى ء"ولى سۋعا" اينالادى. مىنە، ءجۇرىس-تۇرىستىڭ، اۋىسىپ تۇرۋدىڭ ءمان-ءمانىسى وسىندا. "Nur Otan" پارتياسىنان وسىعانعا دەيىن بيلەۋشى توپ اۋىسىپ، كەتتى، دەپ جازدى ول.
ەلباسىنىڭ جانە پارتيا قۇرامىنىڭ بۇرىنعى مۇشەلەرىنىڭ ەلىمىزدىڭ دامۋىنا قوسقان ۇلەسىن، 2004-جىلعا دەيىنگى قازاقستان مەملەكەتىنىڭ شەكاراسىن بەكىتۋ، ەلوردانى كوشىرۋ، ەلىمىزدەگى ەكونوميكالىق رەفورمالاردى جاساۋ جونىندەگى ەڭبەكتەرىن ەشكىم جوققا شىعارا المايتىندىعىن باسا ايتتى.
"بۇل مەملەكەتىمىزدىڭ بۇعاناسىنىڭ قاتايۋى، شاڭىراعىنىڭ مىعىم بولۋىنا قوسىلعان ەرەكشە ۇلەس!" دەپ جازدى ەرلان مىرزا.
