Erlan Saırov "Nur Otan" partııasynyń kezekten tys sezine qatysty post jazyp, atalǵan is-sharanyń qorytyndysymen bólisti, dep habarlaıdy "Adyrna" ulttyq portaly.
Bul Qazaqstannyń saıası tarıhyndaǵy asa mańyzdy tarıhı oqıǵa boldy. Tek qana partııanyń basshylyǵy aýysqan joq, elimizde saıası baǵyt-baǵdar aýysty. Dálirek aıtsaq, 30-jyl memleketti basqarǵan top saıası arenadan ketti. Jalpy, biz mınıstrlerdiń aýysýy, partııanyń basshylyǵynyń aýysýy jóninde aıtqanda odan eshqandaı sensaııa jasaýdyń qajeti joq. Adamnyń tabıǵaty sol- bireý keledi, bireý ketedi. Dál sol sııaqty saıasatta da toptar aýysyp turýy qajet. Ondaı aýysý bolmasa, saıası organızm turyp qalǵan sý tárizdi "borsyp ketedi". Sýdyń ózi "óli sýǵa" aınalady. Mine, júris-turystyń, aýysyp turýdyń mán-mánisi osynda. "Nur Otan" partııasynan osyǵanǵa deıin bıleýshi top aýysyp, ketti, dep jazdy ol.
Elbasynyń jáne partııa quramynyń burynǵy músheleriniń elimizdiń damýyna qosqan úlesin, 2004-jylǵa deıingi Qazaqstan memleketiniń shekarasyn bekitý, Elordany kóshirý, elimizdegi ekonomıkalyq reformalardy jasaý jónindegi eńbekterin eshkim joqqa shyǵara almaıtyndyǵyn basa aıtty.
"Bul memleketimizdiń buǵanasynyń qataıýy, shańyraǵynyń myǵym bolýyna qosylǵan erekshe úles!" dep jazdy Erlan myrza.
