ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە جۋرناليستيكا ماماندىعى بويىنشا ح پاندىك رەسپۋبليكالىق وليمپيادا ءوتىپ جاتىر. وليمپياداعا قازاقستاننىڭ بىرقاتار قالاسىنان قاتىسۋشىلار كەلىپ، ءوزارا سايىسقا ءتۇستى.
ەكى كۇنگە سوزىلاتىن بۇل ءبىلىم باسەكەسىنە قازاقستاندا جۋرناليست ماماندارىن دايارلايتىن 18 جوعارى وقۋ ورنىنان 48 ستۋدەنت قاتىسىپ، بار ونەرلەرىن پاش ەتتى. جارىستىڭ ءبىرىنشى كەزەڭىندە ءار توپ وزدەرىنىڭ دايىنداعان ۆيدەولارىن كورسەتتى. ال ەكىنشى كەزەڭدە قاتىسۋشىلار ەسسە جازىپ، جەڭىس تۇعىرىنان كورىنۋگە بار كۇشتەرىن سالدى.
وليمپيادانى قاراعاندى ۋنيۆەرسيتەتىنىڭ ف.ع.د.، پروفەسسورى اسانوۆ قويلىباي رەسمي تۇردە اشىپ، بارلىق قاتىسۋشىلارعا ساتتىلىك تىلەدى.
ەكى كەزەڭ اياقتالعاننان سوڭ، جارىسقا كەلگەن قاتىسۋشىلاردى قاراعاندى قالاسىن ارالاتىپ، كورىكتى جەرلەردىڭ تاريحىمەن تانىستىردى.
ستۋدەنتتەر ءبىر-بىرىمەن ەتەنە ارالاسىپ، دوستاسىپ ۇلگەردى. قاراعاندى قالاسىن ارالاپ بولعان سوڭ، «اكادەميك ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تاريحى» مۇراجايىنا جول تارتتى.
مۇراجايدا ۋنيۆەرسيتەت تاريحىمەن تانىستىردى. سونداي-اق، ارحەولوگيالىق زالىنا دا ءبىر شولۋ جاساپ شىقتى.
قۇشاق جايا قارسى العان قارمۋ ۇيىمداستىرۋشىلارى كەشكە بەيرەسمي كەزدەسۋ وتكىزىپ، قاتىسۋشىلاردىڭ كوڭىلىن بارىنشا كوتەرۋگە تىرىستى. ءدۇبىرلى دودا بۇگىن ءوز مارەسىنە جەتەدى.
