E. A. Bóketov atyndaǵy Qaraǵandy memlekettik ýnıversıtetinde jýrnalıstıka mamandyǵy boıynsha H pándik respýblıkalyq olımpıada ótip jatyr. Olımpıadaǵa Qazaqstannyń birqatar qalasynan qatysýshylar kelip, ózara saıysqa tústi.
Eki kúnge sozylatyn bul bilim básekesine Qazaqstanda jýrnalıst mamandaryn daıarlaıtyn 18 joǵary oqý ornynan 48 stýdent qatysyp, bar ónerlerin pash etti. Jarystyń birinshi kezeńinde ár top ózderiniń daıyndaǵan vıdeolaryn kórsetti. Al ekinshi kezeńde qatysýshylar esse jazyp, jeńis tuǵyrynan kórinýge bar kúshterin saldy.
Olımpıadany Qaraǵandy ýnıversıtetiniń f.ǵ.d., professory Asanov Qoılybaı resmı túrde ashyp, barlyq qatysýshylarǵa sáttilik tiledi.
Eki kezeń aıaqtalǵannan soń, jarysqa kelgen qatysýshylardy Qaraǵandy qalasyn aralatyp, kórikti jerlerdiń tarıhymen tanystyrdy.
Stýdentter bir-birimen etene aralasyp, dostasyp úlgerdi. Qaraǵandy qalasyn aralap bolǵan soń, «Akademık E.A.Bóketov atyndaǵy Qaraǵandy memlekettik ýnıversıtetiniń tarıhy» murajaıyna jol tartty.
Murajaıda ýnıversıtet tarıhymen tanystyrdy. Sondaı-aq, arheologııalyq zalyna da bir sholý jasap shyqty.
Qushaq jaıa qarsy alǵan QarMý uıymdastyrýshylary keshke beıresmı kezdesý ótkizip, qatysýshylardyń kóńilin barynsha kóterýge tyrysty. Dúbirli doda búgin óz máresine jetedi.
