جەلىدە نەمەرەسىن ويناتۋ ءۇشىن شاپان كيىپ، كوزىن ويناقتاتىپ، دومبىرامەن رۋحتى جىر ايتقان اتانىڭ ۆيدەوسى تاراپ جاتىر. كادرلارداعى ەر ادام اكتەر، تەاتر رەجيسسەرى بەيبىت قۇسانباەۆ بولىپ شىقتى دەپ حابارلايدى "ادىرنا" ۇلتتىق پورتالى "tengrinews.kz"-كە سىلتەمە جاساپ.
جەلىدەگى ۆيدەولاردان اتاسى نەمەسەرىنە ۇلى ابايدىڭ "سابىرسىز، ارسىز، ەرىنشەك" ولەڭى مەن "ماحامبەت جىرىن" ايتىپ بەرگەنىن كورۋگە بولادى. ال بالا ونى تىڭداپ ءماز-مەيرام، تاعى ايتىپ بەرۋىن دە سۇرايدى.
جەلى قولدانۋشىلارى دا اتاسىنىڭ بۇل ارەكەتىنە ءتانتى بولىپ، جىلى ءسوز جازىپ جاتىر. "كەرەمەت اتا! وسىنداي اتالارىمىمىز امان بولسىن، نەمەرەسىن ويناتىپ، وسىدان اسقان باقىت بار ما؟", "اتامىز ونەرلى ەكەن، اللانىڭ نۇرى جاۋسىن! بولاشاقتا ايتىسكەر اقىن ءوسىپ كەلە جاتىر", "اتاسى مىقتى ەكەن پاح", "سۋپەر اتا بولدى عوي", - دەيدى ولار.
نەمەرەسىنە رۋحتى جىر ايتىپ جۇرگەن ەر ادام - شقو تارباعاتاي اۋدانى اقسۋات اۋىلى مادەنيەت ءۇيى "حالىق" تەاترىنىڭ رەجيسسەرى، اقسۋات مادەنيەت ءۇيىنىڭ جانىنان قۇرىلعان "تامشى" بالالار تەاترىنىڭ جەتەكشىسى بەيبىت قۇسانباەۆ بولىپ شىقتى.
بەيبىت قۇسانباەۆ - قازاقستاندىق اكتەر، تەاتر رەجيسسەرى. شقو، وسكەمەن قالاسى جامبىل اتىنداعى دراما تەاترىنىڭ، ەلورداداعى جاستار تەاترىندا اكتەرى بولعان. ءار جىلدارى شابىت ونەر اكادەمياسى مەن تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ وقىتۋشىسى دا بولعان.
"ادىرنا" ۇلتتىق پورتالى.
