شىمكەنتتە الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا باقىلاۋ كۇشەيتىلگەن. بۇگىن مونيتورينگتىك توپ بىرقاتار ءىرى ساۋدا ورتالىقتارىنداعى ازىق-تۇلىك باعالارىن زەردەلەپ قايتتى.
قالالىق اۋىل شارۋاشىلىعى جانە ۆەتەريناريا باسقارماسى ازىق-تۇلىك قاۋىپسىزدىگىن قامتاماسىز ەتۋ ءبولىمىنىڭ باسشىسى قايرات بازاربەكوۆتىڭ ايتۋىنشا، الەۋمەتتىك ماڭىزى بار ازىق-تۇلىك تاۋارلارى «گراماد» جانە «ماگنۋم» ءىرى ساۋدا جەلىلەرىندە بەلگىلەنگەن باعادا ساتىلۋدا. شارت بويىنشا ءىرى ساۋدا نىساندارىندا ساتىلاتىن تاۋارلار بەكىتىلگەن باعا شەگىنەن اسىرىلماۋى ءتيىس.
– بۇگىنگى تاڭدا ازىق-تۇلىك تاۋارلارىنىڭ تاپشىلىعى جوق. قورىمىزدا بىرقاتار ازىق-تۇلىك تاۋارلارى جەتكىلىكتى. قولدانىستاعى زاڭنامالارعا سايكەس، قر اكىمشىلىك قۇقىق بۇزۋشىلىق كودەكسىنىڭ 204 بابى 4-تارماقشاسىندا ساۋدا ۇستەمەسى 15 پايىزدان ارتقان جاعدايدا اكىمشىلىك شارا كورۋ كوزدەلگەن. بۇل باپتىڭ نەگىزىندە الدىمەن ەسكەرتۋ شارالارى جۇرگىزىلەدى. وتكەن جىلى 2 ساۋدا سۋبەكتىسىنە ەسكەرتۋ بەرىلدى. بيىل ءبىر الەۋمەتتىك دۇكەندە تاۋار ساپاسىنا قاتىستى شاعىم ال ازىق-تۇلىك باعاسىنىڭ شەكتى مولشەردەن اسىرىپ جاتقانىن كورسەڭىزدەر، 24-75-41 نومىرىنە حابار بەرىڭىزدەر، - دەيدى ءبولىم باسشىسى.
قالاداعى باعا تۇراقتىلىعىن قاداعالاۋ بويىنشا مونيتورينگتىك توپ بارعان «GRA-MAD» ساۋدا جەلىسىندە الەۋمەتتىك ماڭىزى بار ازىق-تۇلىك تىزىمىنە ەنگەن ءبىرىنشى سورتتى بيداي ۇنىنىڭ كەلىسى 170 تەڭگەدەن، نان 80 تەڭگەدەن، ماكارون ءونىمى 193 تەڭگەدەن ساۋدالانۋدا. سونداي-اق، اتالعان ساۋدا جەلىسىنەن قىرىققاباتتى 119 تەڭگەدەن، ءسابىزدى 148 تەڭگەگە، كارتوپ (138 تەڭگە) پەن پيازدى 75 تەڭگەدەن الۋعا بولادى.
«شىمكەنت كەلبەتى» – ازامات جادىگەرۇلى،
فوتو سەرىك قوساەۆ
