Shymkentte áleýmettik mańyzy bar azyq-túlik taýarlarynyń baǵasyna baqylaý kúsheıtilgen. Búgin monıtorıngtik top birqatar iri saýda ortalyqtaryndaǵy azyq-túlik baǵalaryn zerdelep qaıtty.
Qalalyq aýyl sharýashylyǵy jáne veterınarııa basqarmasy azyq-túlik qaýipsizdigin qamtamasyz etý bóliminiń basshysy Qaırat Bazarbekovtyń aıtýynsha, áleýmettik mańyzy bar azyq-túlik taýarlary «Gramad» jáne «Magným» iri saýda jelilerinde belgilengen baǵada satylýda. Shart boıynsha iri saýda nysandarynda satylatyn taýarlar bekitilgen baǵa sheginen asyrylmaýy tıis.
– Búgingi tańda azyq-túlik taýarlarynyń tapshylyǵy joq. Qorymyzda birqatar azyq-túlik taýarlary jetkilikti. Qoldanystaǵy zańnamalarǵa sáıkes, QR Ákimshilik quqyq buzýshylyq Kodeksiniń 204 baby 4-tarmaqshasynda saýda ústemesi 15 paıyzdan artqan jaǵdaıda ákimshilik shara kórý kózdelgen. Bul baptyń negizinde aldymen eskertý sharalary júrgiziledi. Ótken jyly 2 saýda sýbektisine eskertý berildi. Bıyl bir áleýmettik dúkende taýar sapasyna qatysty shaǵym Al azyq-túlik baǵasynyń shekti mólsherden asyryp jatqanyn kórseńizder, 24-75-41 nómirine habar berińizder, - deıdi bólim basshysy.
Qaladaǵy baǵa turaqtylyǵyn qadaǵalaý boıynsha monıtorıngtik top barǵan «GRA-MAD» saýda jelisinde áleýmettik mańyzy bar azyq-túlik tizimine engen birinshi sortty bıdaı unynyń kelisi 170 teńgeden, nan 80 teńgeden, makaron ónimi 193 teńgeden saýdalanýda. Sondaı-aq, atalǵan saýda jelisinen qyryqqabatty 119 teńgeden, sábizdi 148 teńgege, kartop (138 teńge) pen pııazdy 75 teńgeden alýǵa bolady.
«Shymkent kelbeti» – Azamat JÁDIGERULY,
Foto Serik QOSAEV
