شىمكەنتتىڭ 101 مىڭنان اسا باستاۋىش سىنىپ وقۋشىسى مەكتەپتە تەگىن تاماقتانۋدا

1682
Adyrna.kz Telegram

شىمكەنت قالاسى اكىمىنىڭ قاۋلىسىنا سايكەس، وقۋ جىلىنىڭ ءۇشىنشى توقسانىنان باستاپ مەگاپوليس مەكتەپتەرىندە باستاۋىش سىنىپ وقۋشىلارىنا تەگىن ىستىق تاماق بەرىلۋ باستالدى. وسىعان دەيىن تەگىن ءبىر مەزگىل ىستىق تاماق تەك الەۋمەتتىك جاعدايىنا قاراي بەرىلگەن بولسا، ەندى مەملەكەتتىك جانە جەكەمەنشىك مەكتەپتەردىڭ 1-4 سىنىپ وقۋشىلارى ءجۇز پايىز ىستىق تاماق ىشۋگە مۇمكىندىگى بار.

بۇگىندە قالاداعى مەملەكەتتىك ءبىلىم بەرۋ ورداسىنداعى - 88 657, جەكەمەنشىك مەكتەپتەردەگى 12 500 باستاۋىش سىنىپ وقۋشىسىنا تەگىن تاماق بەرىلۋدە. وعان قوسىمشا مەملەكەتتىك ءبىلىم ۇيالارىنداعى 28 367 جوعارى سىنىپتىڭ الەۋمەتتىك جاعدايى تومەن وتباسىنىڭ مۇشەلەرى تەگىن تاماقتانۋدا.

مەكتەپ اسحانالارىنىڭ اس ءمازىرى سانيتاريالىق-ەپيدەميولوگيالىق باقىلاۋ دەپارتامەنتىنىڭ كەلىسىمى ارقىلى ارنايى تالاپتار ساقتالا وتىرىپ، قالالىق ءبىلىم باسقارماسىمەن جاساقتالىپ ۇسىنىلعان.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر