Shymkent qalasy ákiminiń Qaýlysyna sáıkes, oqý jylynyń úshinshi toqsanynan bastap megapolıs mektepterinde bastaýysh synyp oqýshylaryna tegin ystyq tamaq berilý bastaldy. Osyǵan deıin tegin bir mezgil ystyq tamaq tek áleýmettik jaǵdaıyna qaraı berilgen bolsa, endi memlekettik jáne jekemenshik mektepterdiń 1-4 synyp oqýshylary júz paıyz ystyq tamaq ishýge múmkindigi bar.
Búginde qaladaǵy memlekettik bilim berý ordasyndaǵy - 88 657, jekemenshik mektepterdegi 12 500 bastaýysh synyp oqýshysyna tegin tamaq berilýde. Oǵan qosymsha memlekettik bilim uıalaryndaǵy 28 367 joǵary synyptyń áleýmettik jaǵdaıy tómen otbasynyń músheleri tegin tamaqtanýda.
Mektep ashanalarynyń as máziri Sanıtarııalyq-epıdemıologııalyq baqylaý departamentiniń kelisimi arqyly arnaıy talaptar saqtala otyryp, qalalyq bilim basqarmasymen jasaqtalyp usynylǵan.
Shymkent qalasy ákimdiginiń baspasóz qyzmeti
