سەنات دەپۋتاتتارى مەملەكەتتىك باستامالاردى ەلباسىمەن كەلىسۋ قاجەتتىگىنەن باس تارتۋدى ۇسىندى. بۇل نورما «تۇڭعىش پرەزيدەنت – ەلباسى تۋرالى» كونستيتۋتسيالىق زاڭدا جازىلعان.
– سەناتورلار قاۋىپسىزدىك كەڭەسى مەن قحا-نى لاۋازىمى بويىنشا مەملەكەت باسشىسى باسقاراتىن زاڭنامالىق وزگەرىستەردى قولدادى. بۇل رەتتە سەناتورلار زاڭ جوباسىن تالقىلاۋ بارىسىندا تاعى ءبىر تۇزەتۋ ەنگىزدى. «تۇڭعىش پرەزيدەنت تۋرالى» زاڭدا سىرتقى جانە ىشكى نەگىزگى سالالارداعى باستامالار ەلباسىمەن كەلىسىلەدى دەگەن نورما الىنىپ تاستالدى. وسىلايشا، سەنات زاڭناماعا ەنگىزىلگەن تۇزەتۋلەردى تۇجىرىمدامالىق تۇردە ماقۇلداپ، وسى تۇزەتۋمەن ماجىلىسكە قايتارۋ تۋرالى شەشىم قابىلدادى، – دەدى سەناتور ءلاززات سۇلەيمەن.
ءماجىلىس دەپۋتاتتارى تۇزەتۋدى قاراپ، قابىلدانعان جاعدايدا زاڭ جوباسى پرەزيدەنتتىڭ قول قويۋىنا جىبەرىلەدى.
“ادىرنا” ۇلتتىق پورتالى
