شىمكەنت قالاسىنىڭ اكىمى مۇرات ايتەنوۆ اباي اۋدانىنا قاراستى جاڭاتالاپ ەلدى مەكەنىنىڭ تۇرعىندارىمەن كەزدەستى. قالا باسشىسى الەۋمەتتىك ماسەلەنى تولىق شەشۋ ءۇشىن جاڭاتالاپقا ارنايى كەلىپ، حالىقتىڭ ءوتىنىشىن تىڭدادى.
قازىرگى ۋاقىتتا، بۇل ەلدى مەكەن xالقى اۋىز سۋمەن، ساپالى ەلەكتر قۋاتىمەن جانە كوگىلدىر وتىنمەن تولىق قامتىلعان بولسادا، جاڭاقۇرىلىس بولىگىنە ءالى دە ساپالى ەلەكتر جارىعى مەن تابيعي گاز كەلمەگەن. بۇل بويىنشا بيىل ءتيىستى جۇمىستار جۇرگىزىلىپ، ينفراقۇرىلىم ماسەلەسى تولىق شەشىلەدى.
تۇرعىن الابتا 6 مىڭنان استام تۇرعىن بولسا، ونىڭ 1600 بالالار. بۇل اۋماقتا 600 ورىندىق مەكتەپ بار. وسىنى نەگىزگە العان جاڭاقۇرىلىس بولىگىندە تۇراتىن تۇرعىندار قوسىمشا مەكتەپ سالىپ بەرۋدى، كوپىر مەن اسفالت جول جانە شاعال تاس توسەپ بەرۋ جايىن ايتتى. سونىمەن قاتار، اقساقالدار بادام وزەنى بويىنان شاعال تاس ۇرلاۋ ماسەلەسىن كوتەردى.
قالا اكىمى تۇرعىنداردىڭ تالاپ-تىلەكتەرىن تىڭداپ، سالا جەتەكشىلەرىمەن، اۋدان əكىمدىگىنە كوتەرىلگەن مəسەلەردى زاڭ اياسىندا قاراپ، شەشۋ بويىنشا بىرقاراتار ناقتى تاپسىرما بەردى.
«بۇل ەلدى مەكەندە كوممۋنالدىق-ينفراقۇرىلىممەن قامتۋ ماسەلەسى تولىق شەشىلدى دەسەك تە بولادى. ەندىگى جەردە جول ساپاسىن جاقسارتىپ، جارىقتاندىرۋ جۇمىستارى جۇرگىزىلەدى. بۇدان بولەك، بالالار الاڭشاسى دا ورناتىلادى. وتكەن جىلى ەكى سپورت الاڭشاسى سالىنىپ، پايدالانۋعا بەرىلگەنىن وزدەرىڭىز بىلەسىزدەر. بۇل جۇمىستاردىڭ بارلىعى حالىقتىڭ جايلى ءومىر ءسۇرۋى ءۇشىن جاسالىپ جاتىر. قوسىمشا مەكتەپ سالۋ ماسەلەسىن قاراستىراتىن بولامىز. وسىندا ايتىلعان وتىنىشتەردىڭ ورىندالۋى ءوزىمنىڭ جەكە باقىلاۋىمدا بولادى. بار كۇش جىگەرىممەن قىزمەت ەتۋگە ءازىرمىن»،-دەدى شاھار باسشىسى.
جاڭاتالاپ تۇرعىن الابىنىڭ جەر كولەمى 773 گەكتاردى قۇرايدى. تۇرعىن ءۇي سانى 776. مۇندا 600 ورىندىق 1 مەكتەپ، 1 بالاباقشا، 1 امبۋلاتوريا مەن 1 مادەنيەت ءۇيى جانە 3 سپورت الاڭشاسى بار.
شىمكەنت قالاسى اكىمدىگىنىڭ ءباسپاسوز قىزمەتى
