Shymkent qalasynyń ákimi Murat Áıtenov Abaı aýdanyna qarasty Jańatalap eldi mekeniniń turǵyndarymen kezdesti. Qala basshysy áleýmettik máseleni tolyq sheshý úshin Jańatalapqa arnaıy kelip, halyqtyń ótinishin tyńdady.
Qazirgi ýaqytta, bul eldi meken xalqy aýyz sýmen, sapaly elektr qýatymen jáne kógildir otynmen tolyq qamtylǵan bolsada, jańaqurylys bóligine áli de sapaly elektr jaryǵy men tabıǵı gaz kelmegen. Bul boıynsha bıyl tıisti jumystar júrgizilip, ınfraqurylym máselesi tolyq sheshiledi.
Turǵyn alabta 6 myńnan astam turǵyn bolsa, onyń 1600 balalar. Bul aýmaqta 600 oryndyq mektep bar. Osyny negizge alǵan Jańaqurylys bóliginde turatyn turǵyndar qosymsha mektep salyp berýdi, kópir men asfalt jol jáne shaǵal tas tósep berý jaıyn aıtty. Sonymen qatar, aqsaqaldar Badam ózeni boıynan shaǵal tas urlaý máselesin kóterdi.
Qala ákimi turǵyndardyń talap-tilekterin tyńdap, sala jetekshilerimen, aýdan əkimdigine kóterilgen məselerdi zań aıasynda qarap, sheshý boıynsha birqaratar naqty tapsyrma berdi.
«Bul eldi mekende kommýnaldyq-ınfraqurylymmen qamtý máselesi tolyq sheshildi desek te bolady. Endigi jerde jol sapasyn jaqsartyp, jaryqtandyrý jumystary júrgiziledi. Budan bólek, balalar alańshasy da ornatylady. Ótken jyly eki sport alańshasy salynyp, paıdalanýǵa berilgenin ózderińiz bilesizder. Bul jumystardyń barlyǵy halyqtyń jaıly ómir súrýi úshin jasalyp jatyr. Qosymsha mektep salý máselesin qarastyratyn bolamyz. Osynda aıtylǵan ótinishterdiń oryndalýy ózimniń jeke baqylaýymda bolady. Bar kúsh jigerimmen qyzmet etýge ázirmin»,-dedi shahar basshysy.
Jańatalap turǵyn alabynyń jer kólemi 773 gektardy quraıdy. Turǵyn úı sany 776. Munda 600 oryndyq 1 mektep, 1 balabaqsha, 1 ambýlatorııa men 1 mádenıet úıi jáne 3 sport alańshasy bar.
Shymkent qalasy ákimdiginiń baspasóz qyzmeti
