قر مەملەكەتتىك حاتشىسى ەرلان قارين ەلدەگى ادەبي-مادەني، رۋحانيات سالاسىنداعى وزەكتى ماسەلەلەردى تالقىلاۋ ماقساتىندا زيالى قاۋىم وكىلدەرىمەن كەزدەستى، دەپ حابارلايدى "ادىرنا" ءتىلشىسى. بۇل تۋرالى ول ءوزىنىڭ الەۋمەتتىك جەلىدەگى جازباسىندا باياندادى.
ونىمەن قوسا، ەلىمىزدە ورىن العان سوڭعى وقيعالارعا، مەملەكەت دامۋىنا، ۇرپاق تاربيەسىنە، جاستاردى پاتريوتتىققا تاربيەلەۋگە قاتىستى ءتۇرلى پىكىرلەر ايتىلعان كەزدەسۋگە دۋلات يسابەكوۆ، كادىربەك سەگىزباي، سماعۇل ەلۋباي سىندى ەل اعالارى قاتىستى.
"مەملەكەتتىڭ قۋاتتى بولۋىنىڭ ءبىر تىرەگى – رۋحانيات. سوندىقتان ەلىمىزدە الەۋمەتتىك، ەكونوميكالىق، ساياسي رەفورمالار جۇرگىزۋدەن بولەك رۋحاني جاڭعىرۋى دا وزەكتى ماسەلە. بۇل رەتتە شىعارماشىلىق قاۋىمعا ارتىلار جاۋاپكەرشىلىك تە زور بولماق" دەپ جازدى ەرلان قارين.
"ادىرنا" ۇلتتىق پورتالى
