QR Memlekettik hatshysy Erlan Qarın eldegi ádebı-mádenı, rýhanııat salasyndaǵy ózekti máselelerdi talqylaý maqsatynda zııaly qaýym ókilderimen kezdesti, dep habarlaıdy "Adyrna" tilshisi. Bul týraly ol óziniń áleýmettik jelidegi jazbasynda baıandady.
Onymen qosa, elimizde oryn alǵan sońǵy oqıǵalarǵa, memleket damýyna, urpaq tárbıesine, jastardy patrıottyqqa tárbıeleýge qatysty túrli pikirler aıtylǵan kezdesýge Dýlat Isabekov, Kádirbek Segizbaı, Smaǵul Elýbaı syndy el aǵalary qatysty.
"Memlekettiń qýatty bolýynyń bir tiregi – rýhanııat. Sondyqtan elimizde áleýmettik, ekonomıkalyq, saıası reformalar júrgizýden bólek rýhanı jańǵyrýy da ózekti másele. Bul rette shyǵarmashylyq qaýymǵa artylar jaýapkershilik te zor bolmaq" dep jazdy Erlan Qarın.
"Adyrna" ulttyq portaly
