قوعام وكىلدەرىنىڭ بەلسەندىلىگى - سىبايلاس جەمقورلىقپنن كۇرەستىڭ باستى قۇرالى

1932
Adyrna.kz Telegram

مەملەكەت باسشىسى قاسىم-جومارت توقاەۆ مەملەكەتتىڭ قاۋىپسىزدىگى مەن حالىقتىڭ ءال-اۋقاتى سىبايلاس جەمقورلىقپەن كۇرەس جونىندەگى جۇيەلى شارالارعا تىكەلەي بايلانىستى ەكەنىن ايتقان بولاتىن. وسىعان وراي بۇگىن شىمكەنت قالاسىنىڭ اكىمى مۇرات ايتەنوۆ قر 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسى جوباسىن بيزنەس وكىلدەرىمەن تالقىلادى. ونلاين جيىنعا بيزنەس قاۋىمداستىق، مەملەكەتتىك جانە جەرگىلىكتى اتقارۋشى ورگاندار، سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسى جانە جەرگىلىكتى كاسىپكەرلەر قاتىستى.

قالا اكىمى جينالىستىڭ ماقساتى سىبايلاس جەمقورلىققا قارسى ءىس-قيمىلدى بارلىق دەڭگەيدە ءتيىمدى جۇرگىزۋ ءۇشىن كەشەندى ءارى بىرلەسە جۇمىس اتقارۋ ەكەندىگىن ايتتى.

- سىبايلاس جەمقورلىققا قارسى قابىلدانعان شارالار قىلمىستىق قۋدالاۋ ارەكەتىمەن عانا شەكتەلمەۋى كەرەك. مەملەكەت باسشىسى قوعام وكىلدەرىنىڭ بەلسەنە اتسالىسۋى جانە الدىن الۋ شارالارى سىبايلاس جەمقورلىققا قارسى كۇرەستىڭ باستى قۇرالدارى ەكەنىن اتاپ ءوتتى. پرەزيدەنت تاپسىرماسىمەن «قوعامدىق باقىلاۋ تۋرالى» زاڭ دايىندالىپ جاتقانىن حابارلادى. بۇل قۇجات مەملەكەتتىك ورگانداردىڭ قوعام الدىنداعى اشىقتىعى مەن ەسەپتىلىگىن قامتاماسىز ەتۋدى كوزدەيدى. سونداي-اق بەلسەندى ازاماتتاردىڭ قۇقىقتىق باقىلاۋ قۇرالدارىن پايدالانۋىنا مۇمكىندىك بەرەدى. بيزنەستى قورعاۋ ءبىزدىڭ باستى مىندەتىمىز جانە سىزدەردى بەلسەندى ءوزارا ءىس-قيمىل مەن ىنتىماقتاستىققا شاقىرامىز، - دەدى م.ايتەنوۆ.

ماجىلىستە سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى باسشىسى ش.وتەەۆ مەگاپوليستەگى جەمقورلىق ارەكەتتەرىنىڭ كورىنىس تابۋى بويىنشا قىسقاشا بايانداپ، قاتىسۋشىلاردىڭ سۇراعىنا جاۋاپ بەردى.

جيىندى قورىتىندىلاعان قالا باسشىسى كاسىپكەرلەر تاراپىنان ايتىلعان ۇسىنىس، پىكىرلەر تىڭداۋسىز قالماي تالقىلانعان ماسەلەلەر ءوز جەمىسىن بەرەتىنىنە سەنىم ءبىلدىردى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر