Memleket basshysy Qasym-Jomart Toqaev memlekettiń qaýipsizdigi men halyqtyń ál-aýqaty sybaılas jemqorlyqpen kúres jónindegi júıeli sharalarǵa tikeleı baılanysty ekenin aıtqan bolatyn. Osyǵan oraı búgin Shymkent qalasynyń ákimi Murat Áıtenov QR 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasy jobasyn bıznes ókilderimen talqylady. Onlaın jıynǵa bıznes qaýymdastyq, memlekettik jáne jergilikti atqarýshy organdar, Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysy jáne jergilikti kásipkerler qatysty.
Qala ákimi jınalystyń maqsaty sybaılas jemqorlyqqa qarsy is-qımyldy barlyq deńgeıde tıimdi júrgizý úshin keshendi ári birlese jumys atqarý ekendigin aıtty.
- Sybaılas jemqorlyqqa qarsy qabyldanǵan sharalar qylmystyq qýdalaý áreketimen ǵana shektelmeýi kerek. Memleket basshysy qoǵam ókilderiniń belsene atsalysýy jáne aldyn alý sharalary sybaılas jemqorlyqqa qarsy kúrestiń basty quraldary ekenin atap ótti. Prezıdent tapsyrmasymen «Qoǵamdyq baqylaý týraly» zań daıyndalyp jatqanyn habarlady. Bul qujat memlekettik organdardyń qoǵam aldyndaǵy ashyqtyǵy men eseptiligin qamtamasyz etýdi kózdeıdi. Sondaı-aq belsendi azamattardyń quqyqtyq baqylaý quraldaryn paıdalanýyna múmkindik beredi. Bıznesti qorǵaý bizdiń basty mindetimiz jáne Sizderdi belsendi ózara is-qımyl men yntymaqtastyqqa shaqyramyz, - dedi M.Áıtenov.
Májiliste Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysy Sh.Óteev megapolıstegi jemqorlyq áreketteriniń kórinis tabýy boıynsha qysqasha baıandap, qatysýshylardyń suraǵyna jaýap berdi.
Jıyndy qorytyndylaǵan qala basshysy kásipkerler tarapynan aıtylǵan usynys, pikirler tyńdaýsyz qalmaı talqylanǵan máseleler óz jemisin beretinine senim bildirdi.
Shymkent qalasy ákimdiginiń baspasóz qyzmeti
