بۇگىن شىمكەنت قالاسىنىڭ اكىمى مۇرات ايتەنوۆ حالىقتى تولعاندىرعان ماسەلەنى بىرلەسە شەشۋ ءۇشىن قالا ورتالىعىنان شالعايدا ورنالاسقان ەڭبەكشى اۋدانىنا قاراستى توعىس، ماياتاس، ەلتاي، جىلانبۇزعان، ايناتاس تۇرعىن الابتارىنىڭ تۇرعىندارىمەن كەزدەستى.
اكىمشىلىك عيماراتتا بولعان كەزدەسۋدە قالا اكىمى تۇرعىندارمەن اشىق ديالوگ قۇرىپ، ولاردىڭ ماسەلەسىن تىڭدادى. ونداعى حالىق بەس ەلدى مەكەنگە ورتاق مادەنيەت ءۇيىن سالىپ بەرۋدى، كابەلدى ينتەرنەت جەلىسىن تارتۋدى، ماياتاس تۇرعىن الابىنا قاراستى بەلتەرەك، كوزدى اتا، نۇرلىتاڭ كوشەلەرىندەگى اعىن سۋ مەن جايىلىم جەر ماسەلەسىن كوتەردى.
ال، ەلتاي تۇرعىن الابىنىڭ تۇرعىندارى جاڭا مەكتەپ قۇرىلىسىن سالىپ بەرۋدى ايتسا، اۋىل بەلسەندىلەرى ماياتاس، جىلانبۇزعان، توعىس تۇرعىن الاپتارىنان وتەتىن «بادام» وزەنى جاعالاۋلارىنا بەتوندى دامبا قويىپ، بەكىتۋ جۇمىستارىن جۇرگىزىپ، اباتتاندىرۋدى جانە ايناتاستاعى №126 مەكتەپكە قوسىمشا 100 ورىندىق وقۋ كورپۋسىن سالۋ جانە اكت زال، سپورت زال، شەبەرحانا قاجەت ەكەن جەتكىزدى.
شاھار باسشىسى وكىلەتتى ورگان باسشىلارىنا تۇرعىنداردىڭ شاعىمدارى مەن وتىنىشتەرىنە ەرەكشە كوڭىل ءبولۋدى ايتىپ، ماسەلەنى شەشۋ ءۇشىن سالا جەتەكشىلەرىنە ناقتى تاپسىرمالار جۇكتەدى.
«مەملەكەت باسشىسى كەز كەلگەن قيىندىقتاردى شەشۋدە ءبىرىنشى كەزەكتە حالىقتىڭ جاعدايىن ويلاپ، ولاردىڭ تۇرمىس-تىرشىلىگىنىڭ جاقسارۋىن باستى نازاردا ۇستاۋدى تاپسىردى. وسى باعىتتا جۇمىس جاساۋدامىز. ءاربىرىڭىزدىڭ ايتقان ۇسىنىستارىڭىزبەن، وتىنىشتەرىڭىز نازاردان تىس قالمايدى. زاڭ اياسىندا قاراستىرامىز. ءبىزدىڭ مىندەتىمىز ينفراقۇرىلىمدى جەتىلدىرىپ، ءومىر سۇرۋگە قولايلى ورتا قالىپتاستىرۋ»،-دەدى م.ايتەنوۆ.
قالا بيۋدجەتىنىڭ 20 پايىزدان استامى مەگاپوليستىڭ ينفراقۇرىلىمىن دامىتۋعا بولىنەتىنىن ايتقان شاھار باسشىسى ونىڭ ىشىندە باسىم كوپشىلىگى شالعاي ەلدى مەكەندەردىڭ ينفراقۇرىلىم ماسەلەسىن شەشۋگە باعىتتالىپ كەلەتىنىن جەتكىزدى.
شىمكەنت قالاسى اكىمدىگىنىڭ ءباسپاسوز قىزمەتى
