بۇل جونىندە اۋدان اكىمى د.ەسىلبەك قالا اكىمىنىڭ ەڭبەكشى اۋدانىنا قاراستى توعىس، ماياتاس، ەلتاي، جىلانبۇزعان، ايناتاس تۇرعىن الابتارىنىڭ تۇرعىندارىمەن بولعان كەزدەسۋدە ايتتى.
اۋدان اۋماعىنداعى 35 شاعىناۋدان مەن تۇرعىن الاپتاردىڭ حالىق شوعىرلانعان نەگىزگى بولىگى ينجەنەرلىك جۇيەلەرمەن قامتىلعانىن ايتقان اۋدان اكىمى توعىس، ماياتاس، ەلتاي، جىلانبۇزعان، ايناتاس ينفراقۇرىلىممەن قامتىلۋ جاعدايىن باياندادى. ونىڭ ايتۋىنشا، 17 مىڭعا جۋىق تۇرعىنى بار 5 تۇرعىن الاپتارداعى حالىقتىڭ 97,4% اۋىز سۋمەن، 95,2% ساپالى ەلەكتر جارىعىمەن جانە 94,0% تابيعي گازبەن قامتىلعان ەكەن.
«قالا اۋماعىنا قوسىلعاننان بەرى ەلدى مەكەندەگى 36 كوشەگە اسفالت توسەلسە، 30 كوشەگە شاعال تاس توسەلگەن. بۇقارالىق سپورتتى دامىتۋ بويىنشا توعىس، ماياتاس، ەلتاي، جىلانبۇزعان، ايناتاس تۇرعىن الاپتارىندا بيۋدجەت ەسەبىنەن 10-دانا سپورت الاڭشاسى، 4-دانا زاماناۋي كەشەندى بالالار ويىن الاڭشاسى، 5-دانا ۆوركاۋت جانە ترەناجەر الاڭشالارى ورناتىلىپ، تۇرعىنداردىڭ پايدالانۋىنا بەرىلگەن».-دەدى د.ەسىلبەك.
بۇدان بولەك، بيىلعى جىلى بەس ەلدى مەكەندەگى 21 كوشەگە اسفالت توسەلىپ، 5 كوشە جارىقتاندىرىلادى.
شىمكەنت قالاسى اكىمدىگىنىڭ ءباسپاسوز قىزمەتى
