Bul jóninde aýdan ákimi D.Esilbek qala ákiminiń Eńbekshi aýdanyna qarasty Toǵys, Maıatas, Eltaı, Jylanbuzǵan, Aınatas turǵyn alabtarynyń turǵyndarymen bolǵan kezdesýde aıtty.
Aýdan aýmaǵyndaǵy 35 shaǵynaýdan men turǵyn alaptardyń halyq shoǵyrlanǵan negizgi bóligi ınjenerlik júıelermen qamtylǵanyn aıtqan aýdan ákimi Toǵys, Maıatas, Eltaı, Jylanbuzǵan, Aınatas ınfraqurylymmen qamtylý jaǵdaıyn baıandady. Onyń aıtýynsha, 17 myńǵa jýyq turǵyny bar 5 turǵyn alaptardaǵy halyqtyń 97,4% aýyz sýmen, 95,2% sapaly elektr jaryǵymen jáne 94,0% tabıǵı gazben qamtylǵan eken.
«Qala aýmaǵyna qosylǵannan beri eldi mekendegi 36 kóshege asfalt tóselse, 30 kóshege shaǵal tas tóselgen. Buqaralyq sportty damytý boıynsha Toǵys, Maıatas, Eltaı, Jylanbuzǵan, Aınatas turǵyn alaptarynda bıýdjet esebinen 10-dana sport alańshasy, 4-dana zamanaýı keshendi balalar oıyn alańshasy, 5-dana vorkaýt jáne trenajer alańshalary ornatylyp, turǵyndardyń paıdalanýyna berilgen».-dedi D.Esilbek.
Budan bólek, bıylǵy jyly bes eldi mekendegi 21 kóshege asfalt tóselip, 5 kóshe jaryqtandyrylady.
Shymkent qalasy ákimdiginiń baspasóz qyzmeti
