مۇرات ايتەنوۆ «قايناربۇلاق» ەلدىمەكەنى تۇرعىندارىمەن كەزدەستى

1702
Adyrna.kz Telegram

شىمكەنت قالاسى اكىمى مۇرات ايتەنوۆتىڭ قاتىسۋىمەن، قايناربۇلاقتاعى №106 مەكتەپتە، اۋماقتاعى ينفراقۇرىلىم جۇيەلەرى جۇمىستارىنىڭ بارىسى تالقىلاندى.

تۇرعىن الاپتى ينفراقۇرىلىم جۇيەلەرىمەن قامتۋدا تۇبەگەيلى جانە جۇيەلى جۇمىستار جۇرگىزۋ جوسپارلانعان. 18 كوشەدە اسفالت بولسا، 2022 جىلى جاڭا قۇرىلىس اۋماعىندا (№125 جوم اۋماعى) اتى جوق كوشەلەرگە بيۋدجەت ەسەبىنەن اسفالت توسەۋ جۇمىستارى ينفراقۇرىلىم جۇيەلەرىنىڭ قۇرىلىسىنان كەيىن جۇرگىزىلمەك. 2023 تە جاڭاقۇرىلىس اۋماعىندا اتى جوق 10 كوشەگە اسفالت توسەۋ جوسپاردا بار.

2020 جىلى ءابىلدا بولەشوۆ، «ستەپنايا»، «قايناربۇلاق تاس جولى» كوشەلەرى جارىقتاندىرىلعان.
بيىل «ءابىلدا بولەشوۆ» كوشەسىنىڭ جالعاسى، تاسكەشۋ ەلدى مەكەنىنە قاراي جارىقتاندىرىلادى.

ەلدى مەكەننىڭ جاڭاقۇرىلىس اۋماعىنا (№83 مەكتەپ جانىنا) «كسەلل» كومپانياسىنىڭ بازالىق ستانتسياسى ورناتىلدى. جەكە ينۆەستور تاراپىنان ساپالى ينتەرنەتپەن قامتۋ جۇمىستارى 2022 جىلدىڭ III توقسانىندا اياقتالادى دەپ كۇتىلۋدە.

ەلدى مەكەندە ءبىر مادەنيەت ءۇيى جوندەۋدى قاجەت ەتسە، 5 سپورت الاڭشا پايدالانۋعا بەرىلگەن.

قالا اكىمى كەزدەسۋدە ەلدى مەكەندەردە ءار سالالىق باعىت بويىنشا جۇمىستاردى بايانداپ، ءاربىر ساۋالعا جەكە-جەكە جاۋاپ بەردى. وسىنداي كەزدەسۋلەردىڭ حالىق قاجەتتىلىگىن ءتيىمدى شەشۋدە ماڭىزدى ەكەنىن اتاپ وتكەن م. ايتەنوۆ، وتىنىشتەر مەن ساۋالدار بويىنشا اۋدان اكىمى مەن سالا جەتەكشىلەرىنە ناقتى تاپسىرمالار بەردى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر