شىمكەنت قالاسىنىڭ اكىمى مۇرات ايتەنوۆ اباي اۋدانى اۋماعىنداعى ەلدى مەكەندەردە اتقارىلعان جۇمىستاردىڭ بارىسىن پىسىقتاپ، تۇرعىندارمەن كەزدەستى.
قالا اكىمى «اگروفيرما-قاراسۋ» شاعىناۋدانى تۇرعىندارىمەن كەزدەسىپ، ينفراقۇرىلىممەن قامتۋ جۇمىستارىنىڭ بارىسىن جان-جاقتى ءتۇسىندىردى.
شاعىناۋدان ەلەكتر جارىعى، اۋىز سۋ جۇيەلەرىمەن تولىق قامتاماسىز ەتىلگەن. 65 ءۇي جەكەمەنشىك تابيعي گازبەن قامتىلعان. 2022 جىلى گاز جۇيەلەرىنىڭ قۇرىلىسىن جۇرگىزۋ ءۇشىن جسق ازىرلەۋ جوسپارلانۋدا.
2021 جىلى اقۇيىك، اقشات، كوكسايەك، كەڭەستوبە، اقباستوبە، شاربۇلاق، اققانبۇلاق، اقتەكشە، اققيا كوشەلەرىنە شاعال تاس توسەۋ جۇمىستارى جۇرگىزىلدى. سارىتاۋ كوشەسى جارىقتاندىرىلدى. سونداي-اق، 1 سپورت الاڭشاسى ورناتىلىپ، پايدالانۋعا بەرىلدى.
2022 جىلى اقبۇلىم كوشەسىنە شاعال تاس توسەۋ جۇمىستارى اتقارىلماق.
قالا اكىمى تۇرعىنداردى نىسانداردىڭ ساپاسىن باقىلاۋدا اتسالىسۋعا شاقىردى. جۇمىستار بارىسىندا كەمشىلىكتەردى، اۋدان اكىمىنە جەتكىزۋ قاجەتتىگىن اتاپ ءوتتى.
ءوز كەزەگىندە تۇرعىندار قوعامدىق كولىك، بالالار ويىن الاڭشاسى جانە جالپى ينفراقۇرىلىم سالاسىندا اتقارىلىپ جاتقان جۇمىستار بويىنشا قالا اكىمىنە العىسىن ءبىلدىردى.
شىمكەنت قالاسى اكىمدىگىنىڭ ءباسپاسوز قىزمەتى
