Şymkent qalasynyŋ äkımı Mūrat Äitenov Abai audany aumaǧyndaǧy eldı mekenderde atqarylǧan jūmystardyŋ barysyn pysyqtap, tūrǧyndarmen kezdestı.
Qala äkımı «Agrofirma-Qarasu» şaǧynaudany tūrǧyndarymen kezdesıp, infraqūrylymmen qamtu jūmystarynyŋ barysyn jan-jaqty tüsındırdı.
Şaǧynaudan elektr jaryǧy, auyz su jüielerımen tolyq qamtamasyz etılgen. 65 üi jekemenşık tabiǧi gazben qamtylǧan. 2022 jyly gaz jüielerınıŋ qūrylysyn jürgızu üşın JSQ äzırleu josparlanuda.
2021 jyly Aqüiık, Aqşat, Köksäiek, Keŋestöbe, Aqbastöbe, Şarbūlaq, Aqqanbūlaq, Aqtekşe, Aqqiia köşelerıne şaǧal tas töseu jūmystary jürgızıldı. Sarytau köşesı jaryqtandyryldy. Sondai-aq, 1 sport alaŋşasy ornatylyp, paidalanuǧa berıldı.
2022 jyly Aqbūlym köşesıne şaǧal tas töseu jūmystary atqarylmaq.
Qala äkımı tūrǧyndardy nysandardyŋ sapasyn baqylauda atsalysuǧa şaqyrdy. Jūmystar barysynda kemşılıkterdı, audan äkımıne jetkızu qajettıgın atap öttı.
Öz kezegınde tūrǧyndar qoǧamdyq kölık, balalar oiyn alaŋşasy jäne jalpy infraqūrylym salasynda atqarylyp jatqan jūmystar boiynşa qala äkımıne alǧysyn bıldırdı.
Şymkent qalasy äkımdıgınıŋ baspasöz qyzmetı
