قازاقستان تاريحىندا تۇڭعىش رەت وليمپيادالىق قۇرامانىڭ فورماسى قازاقشا "QAZAQSTAN" دەگەن اتاۋمەن شىعادى، دەپ حابارلايدى “ادىرنا” ۇلتتىق پورتالى Olympic.kz سايتىنا سىلتەمە جاساپ.
ماڭىزدى ەلەمەنتتى حالىقارالىق بەلگىدەن ۇلتتىق بەلگىگە وزگەرتۋ ءۇشىن حالىقارالىق وليمپيادا كوميتەتىنەن ارنايى رۇقسات الىندى. بۇل رەتتە قازاقستان حوك-تىڭ ءۇش ارىپتىك كودتارىنىڭ تىزىمىندە KAZ بەلگىسىمەن قالا بەرەدى. ويتكەنى اببرەۆياتۋرا حالىقارالىق ستاندارتقا سايكەس پايدالانىلادى.
قازاقستان ۇوك انا تىلىندە دايىندالعان وليمپيادالىق كيىم-كەشەكتىڭ ماڭىزدى ەلەمەنتتەرىنىڭ ءبىرى اتلەتتەرگە سەنىمدىلىك بەرىپ، ولار ءۇشىن وتانداستاردى قولداۋدىڭ سيمۆولىنا اينالاتىنىنا سەنەدى.
"وليمپيادا ويىندارى - ەڭ الدىمەن ۇزدىك اتلەتتەر ءوز بايراعىمەن شىعاتىن دوستىق پەن بەيبىتشىلىكتىڭ ۇلكەن فەستيۆالى. بۇل تەك سپورتشىلار ءۇشىن عانا ەمەس، ءوز كوماندالارىن قولدايتىن بارلىق جانكۇيەر ءۇشىن ماڭىزدى وقيعا. وليمپيادا كەزىندەگى كەز – كەلگەن جابدىققا باستى نازار اۋدارىلادى. سوندىقتان ەل اتاۋىنىڭ "QAZAQSTAN" دەپ جازىلۋى - ۇلتتىق قۇرامانى جانە بۇكىل ەلدى الەمدىك قاۋىمداستىق الدىندا وتە ماڭىزدى قادام بولىپ سانالادى. قازاق مادەنيەتىنىڭ ۇلتتىق ەلەمەنتتەرى فورما ديزاينىندا حالىقتىڭ سالت-داستۇرلەرى مەن وزىندىك ەرەكشەلىگىن ەرەكشە اتاپ ءوتۋ ءۇشىن ارقاشان دا ماڭىزدى ءرول وينايتىن. ءبىزدىڭ شەتەلدىك ارىپتەستەرىمىز جاڭا جازۋعا جوعارى باعا بەردى. ءبىزدىڭ اتلەتتەرگە دە فورمانىڭ جاڭا ەلەمەنتى ۇنايتىنىنا سەنىمدىمىز. وليمپياداشىلار - قازاقستاننىڭ شەتەلدەگى ماڭىزدى ەلشىلەرى. سوندىقتان ءبىزدىڭ وتانداستارىمىز ءبىزدىڭ كوماندامىزعا - ءوز كومانداسىنا قولداۋ كورسەتەدى دەپ ۇمىتتەنەمىز", - دەپ اتاپ ءوتتى ەلىمىزدىڭ ۇلتتىق وليمپيادالىق كوميتەتىندە.
بەيجىڭدەگى قىسقى وليمپيادا ويىندارىنا سپورتشىلار جاڭارتىلعان فورمادا اتتانادى. كوپ ۇزاماي بارشا قازاقستاندىق جاڭا فورمامەن تانىس بولادى.
“ادىرنا” ۇلتتىق پورتالى
