ءۇشىنشى مەگاپوليستە ينفراقۇرىلىم تارتۋ جۇمىستارى قارقىندى جۇرگىزىلۋدە. اباي اۋدانىندا 2021 جىلى 8 ەلدى مەكەننىڭ تۇرعىندارى اۋىز سۋمەن، ساپالى ەلەكتر جارىعىمەن قامتىلعان. ال بيىلعى اقپان جانە ناۋرىز ايلارىندا تابيعي گاز بەرىلەدى. بۇل تۋرالى اباي ادۋانى اكىمى اپپاراتىنىڭ ءبولىم باسشىسى ابىلقايىر وڭعار اۋداندا ىسكە قوسىلعان ينفراقۇرىلىمدىق جۇيەلەردى تانىستىرۋعا ارنالعان ءباسپاسوز تۋرىندا ايتتى.
ابىلقايىر باقىتقاليۇلى ءباسپاسوز تۋرىندا «باتىس» جانە «ىنتىماق-2» ەلدى مەكەندەرىندەگى ينفراقۇرىلىم ماسەلەرى بويىنشا اتقارىلىپ جاتقان جۇمىستاردى باياندادى. اۋداندا وتكەن جىلى 8 ەلدى مەكەندەگى 60 مىڭعا جۋىق تۇرعىن تىرشىلىك نارىمەن قامتىلعانىن ايتتى. ال بيىل قۇرساي شاعىناۋدانىندا اۋىز سۋ قۇرىلىستارى جۇرگىزىلىپ جاتقانىن جەتكىزدى. وسىلايشا، اباي اۋدانىندا بيىل تاسىمالدى سۋ توقتاتىلىپ، اۋىز سۋمەن قامتۋ دەڭگەيى 98 پايىزعا جەتكەن.
– قازىرگى تاڭدا اتالعان ەلدى مەكەندەردە اۋىز سۋ قۇرىلىسى تولىق جۇرگىزىلىپ، ابونەنتتەرگە اۋىز سۋدى ۇيلەرىنە قوسۋ جۇمىستارى اياقتالدى. ال يگىلىك، كوكبۇلاق جانە تاۋەلسىزدىككە 20 جىل، ىنتىماق شاعىناۋداندارىندا ەلەكترگە تارتۋ جۇمىستارى اياقتالىپ، تۇرعىنداردىڭ پايدالانۋىنا بەرىلدى. اتالعان شاعىناۋدانداردىڭ تۇرعىندارى «وڭتۇستىكجارىقترانزيت» مەكەمەسىنەن تەحنيكالىق شارتتارىن الىپ، ابونەنتتەر ساپالى ەلەكتر قۋاتىنا قوسىلدى. قازىرگى تاڭدا سولتۇستىك ساياجاي، ىنتىماق شاعىناۋداندارىنا كوگىلدىر وتىننىڭ قۇرىلىس جۇمىستارى جۇرگىزىلۋدە. اگرس-3 ستانتسياسى الداعى اقپان جانە ءساۋىر ايلارىندا ىسكە قوسىلىپ، اۋدان تۇرعىندارى تابيعي گازبەن قامتاماسىز ەتىلەتىن بولادى، - دەيدى ءبولىم باسشىسى.
«شىمكەنت كەلبەتى» — ازامات جاپپار،
فوتو: سەرىك قوساەۆ
