Úshinshi megapolıste ınfraqurylym tartý jumystary qarqyndy júrgizilýde. Abaı aýdanynda 2021 jyly 8 eldi mekenniń turǵyndary aýyz sýmen, sapaly elektr jaryǵymen qamtylǵan. Al bıylǵy aqpan jáne naýryz aılarynda tabıǵı gaz beriledi. Bul týraly Abaı adýany ákimi apparatynyń bólim basshysy Ábilqaıyr Ońǵar aýdanda iske qosylǵan ınfraqurylymdyq júıelerdi tanystyrýǵa arnalǵan baspasóz týrynda aıtty.
Ábilqaıyr Baqytqalıuly baspasóz týrynda «Batys» jáne «Yntymaq-2» eldi mekenderindegi ınfraqurylym máseleri boıynsha atqarylyp jatqan jumystardy baıandady. Aýdanda ótken jyly 8 eldi mekendegi 60 myńǵa jýyq turǵyn tirshilik nárimen qamtylǵanyn aıtty. Al bıyl Qursaı shaǵynaýdanynda aýyz sý qurylystary júrgizilip jatqanyn jetkizdi. Osylaısha, Abaı aýdanynda bıyl tasymaldy sý toqtatylyp, aýyz sýmen qamtý deńgeıi 98 paıyzǵa jetken.
– Qazirgi tańda atalǵan eldi mekenderde aýyz sý qurylysy tolyq júrgizilip, abonentterge aýyz sýdy úılerine qosý jumystary aıaqtaldy. Al Igilik, Kókbulaq jáne Táýelsizdikke 20 jyl, Yntymaq shaǵynaýdandarynda elektrge tartý jumystary aıaqtalyp, turǵyndardyń paıdalanýyna berildi. Atalǵan shaǵynaýdandardyń turǵyndary «OńtústikJaryqTranzıt» mekemesinen tehnıkalyq sharttaryn alyp, abonentter sapaly elektr qýatyna qosyldy. Qazirgi tańda Soltústik Saıajaı, Yntymaq shaǵynaýdandaryna kógildir otynnyń qurylys jumystary júrgizilýde. AGRS-3 stanııasy aldaǵy aqpan jáne sáýir aılarynda iske qosylyp, aýdan turǵyndary tabıǵı gazben qamtamasyz etiletin bolady, - deıdi bólim basshysy.
«Shymkent kelbeti» — Azamat JAPPAR,
foto: Serik QOSAEV
