ۆاكتسينا العان وقۋشىلار وفلاين وقي الادى

1528
Adyrna.kz Telegram

Pfizer ۆاكتسيناسىنىڭ ەكى كومپونەنتىن العان وقۋشىلار اتا-اناسىنىڭ رۇقساتىمەن ءداستۇرلى فورماتتا ءبىلىم الۋىنا بولادى. بۇگىنگى تاڭدا ەكپەنىڭ ەكى كومپونەنتىن العان 5 مىڭنان استام وقۋشى وفلاين ءبىلىم الىپ جاتىر. بۇل تۋرالى شىمكەنت قالاسى اكىمىنىڭ ءبىرىنشى ورىنباسارى ش.مۇقان ى.التىنسارين اتىنداعى №65 مەكتەپ-گيمنازياسىنىڭ قاشىقتان وقىتۋ پروتسەسىمەن تانىسۋ بارىسىندا مالىمدەدى.

— ەلدەگى ەپيداحۋالعا بايلانىستى جانە سانيتارلىق-ەپيدەميولوگيالىق قاداعالاۋ دەپارتامەنتىنىڭ شەشىمىنە سايكەس، مەكتەپ وقۋشىلارى 3 توقساندا قاشىقتان وقۋدى باستاپ كەتتى. مۇنداي شەشىم قابىلداۋعا كوروناۆيرۋس جۇقتىرعان ناۋقاستاردىڭ اراسىندا 18 جاسقا تولماعان جاسوسپىرىمدەردىڭ كوبەيۋى دە سەبەپ بولىپ وتىر. شىمكەنت قالاسىنداعى 203 مەكتەپتە 242 525 وقۋشى بار. ولاردىڭ باسىم بولىگى ونلاين وقىپ جاتىر. سانيتارلىق-ەپيدەميولوگيالىق قاداعالاۋ دەپارتامەنتىنىڭ تالاپتارىنا سايكەس، Pfizer ۆاكتسيناسىنىڭ ەكى كومپونەنتىن العان وقۋشىلار اتا-اناسىنىڭ رۇقساتىمەن ءداستۇرلى فورماتتا ءبىلىم الۋىنا بولادى. بۇگىنگى تاڭدا ەكپە العانداردىڭ ىشىنەن 5 مىڭنان استام وقۋشىنىڭ اتا-اناسى ءداستۇرلى وقىتۋعا ءوتىنىش ءبىلدىرىپ، ولار وفلاين ءبىلىم الىپ ءجۇر، - دەدى شىڭعىس جۇمابەكۇلى.

ى.التىنسارين اتىنداعى №65 مەكتەپ-گيمنازياسىنىڭ ديرەكتورى الماس قايىپوۆتىڭ ايتۋىنشا، مەكتەپتە 3283 وقۋشى بار. وقۋ جىلىنىڭ العاشقى ەكى توقسانىندا 1597 وقۋشى ءبىرىنشى اۋىسىمدا، 1602 وقۋشى ەكىنشى اۋىسىمدا، ال 84 وقۋشى ارالىق اۋىسىمدا وقىپ كەلگەن.

— وقۋشىلار 3-توقساندى قاشىقتان ءبىلىم الۋمەن باستادى. مەكتەپ مۇعالىمدەرى ونلاين فورماتتا ءدارىس وتۋگە داعدىلانعان. مۇعالىمدەر مەكتەپكە كەلىپ، ZOOM قوسىمشاسى ارقىلى وقۋشىلارمەن بايلانىس ورناتىپ وتىر. ال، Pfizer ۆاكتسيناسىنىڭ ەكى كومپونەنتىن العان وقۋشىلار ءداستۇرلى فورماتتا وقىپ ءجۇر. ءبىلىم ورداسىنىڭ بالانسىندا 946 نوۋتبۋك-پلانشەت بار. بۇگىندە ونىڭ 200-دەن استامى اتا-انالاردىڭ جاۋاپكەرشىلىگىمەن وقۋشىلارعا ۇلەستىرىلدى، - دەدى مەكتەپ ديرەكتورى ا.قايىپوۆ.

شىمكەنت قالاسى اكىمىنىڭ ءبىرىنشى ورىنباسارى ش.مۇقان مەكتەپتى ارالاۋ بارىسىندا «ماتەماتيكا» ءپانىنىڭ مۇعالىمى تۇراربەك بالتابايدىڭ 5 «ز» سىنىبىنا جانە «ينفورماتيكا» ءپانىنىڭ مۇعالىمى تويلىباەۆا كامشاتتىڭ 6 «ع» سىنىبىنا ZOOM قوسىمشاسى ارقىلى وتكەن دارىسىنە قاتىسىپ، وڭ باعاسىن بەردى. سونداي-اق، سمارتفون ارقىلى ءدارىس ءوتىپ وتىرعان مۇعالىمدەردى سىنعا الدى.

— بۇگىندە قالا مۇعالىمدەرى قاشىقتان وقىتۋعا داعدىلانعان. الايدا، قولايلى بولعانى ءۇشىن سمارتفون ارقىلى ساباق ءوتىپ، الدىندا تۇرعان كومپيۋتەردى پايدالانباۋى دۇرىس ەمەس. قالا مەكتەپتەرىندە 57 مىڭعا جۋىق كومپيۋتەر قۇرىلعىسى بار. ولاردىڭ بارلىعى ينتەرنەتكە قوسىلعان. ول ءار 4 وقۋشىعا 1 كومپيۋتەر تيەتىنىن كورسەتەدى. بۇگىندە ارنايى قۇجات تولتىرىلىپ، اتا-انالارعا نوۋتبۋك، پلانشەتتەر تاراتىلدى. جالپى، ەپيداحۋال رەتتەلگەن سوڭ، مەكتەپتەر دە كەزەڭ-كەزەڭىمەن ءداستۇرلى وقۋعا كوشىرىلەدى، - دەدى ش.مۇقان.

زاميرا الدابەرگەنوۆا
فوتو سەرىك قوساەۆ

پىكىرلەر