Vakına alǵan oqýshylar oflaın oqı alady

1526
Adyrna.kz Telegram

Pfizer vakınasynyń eki komponentin alǵan oqýshylar ata-anasynyń ruqsatymen dástúrli formatta bilim alýyna bolady. Búgingi tańda ekpeniń eki komponentin alǵan 5 myńnan astam oqýshy oflaın bilim alyp jatyr. Bul týraly Shymkent qalasy ákiminiń birinshi orynbasary Sh.Muqan Y.Altynsarın atyndaǵy №65 mektep-gımnazııasynyń qashyqtan oqytý proesimen tanysý barysynda málimdedi.

— Eldegi epıdahýalǵa baılanysty jáne sanıtarlyq-epıdemıologııalyq qadaǵalaý departamentiniń sheshimine sáıkes, mektep oqýshylary 3 toqsanda qashyqtan oqýdy bastap ketti. Mundaı sheshim qabyldaýǵa koronavırýs juqtyrǵan naýqastardyń arasynda 18 jasqa tolmaǵan jasóspirimderdiń kóbeıýi de sebep bolyp otyr. Shymkent qalasyndaǵy 203 mektepte 242 525 oqýshy bar. Olardyń basym bóligi onlaın oqyp jatyr. Sanıtarlyq-epıdemıologııalyq qadaǵalaý departamentiniń talaptaryna sáıkes, Pfizer vakınasynyń eki komponentin alǵan oqýshylar ata-anasynyń ruqsatymen dástúrli formatta bilim alýyna bolady. Búgingi tańda ekpe alǵandardyń ishinen 5 myńnan astam oqýshynyń ata-anasy dástúrli oqytýǵa ótinish bildirip, olar oflaın bilim alyp júr, - dedi Shyńǵys Jumabekuly.

Y.Altynsarın atyndaǵy №65 mektep-gımnazııasynyń dırektory Almas Qaıypovtyń aıtýynsha, mektepte 3283 oqýshy bar. Oqý jylynyń alǵashqy eki toqsanynda 1597 oqýshy birinshi aýysymda, 1602 oqýshy ekinshi aýysymda, al 84 oqýshy aralyq aýysymda oqyp kelgen.

— Oqýshylar 3-toqsandy qashyqtan bilim alýmen bastady. Mektep muǵalimderi onlaın formatta dáris ótýge daǵdylanǵan. Muǵalimder mektepke kelip, ZOOM qosymshasy arqyly oqýshylarmen baılanys ornatyp otyr. Al, Pfizer vakınasynyń eki komponentin alǵan oqýshylar dástúrli formatta oqyp júr. Bilim ordasynyń balansynda 946 noýtbýk-planshet bar. Búginde onyń 200-den astamy ata-analardyń jaýapkershiligimen oqýshylarǵa úlestirildi, - dedi mektep dırektory A.Qaıypov.

Shymkent qalasy ákiminiń birinshi orynbasary Sh.Muqan mektepti aralaý barysynda «Matematıka» pániniń muǵalimi Turarbek Baltabaıdyń 5 «z» synybyna jáne «Informatıka» pániniń muǵalimi Toılybaeva Kamshattyń 6 «ǵ» synybyna ZOOM qosymshasy arqyly ótken dárisine qatysyp, oń baǵasyn berdi. Sondaı-aq, smartfon arqyly dáris ótip otyrǵan muǵalimderdi synǵa aldy.

— Búginde qala muǵalimderi qashyqtan oqytýǵa daǵdylanǵan. Alaıda, qolaıly bolǵany úshin smartfon arqyly sabaq ótip, aldynda turǵan kompıýterdi paıdalanbaýy durys emes. Qala mektepterinde 57 myńǵa jýyq kompıýter qurylǵysy bar. Olardyń barlyǵy ınternetke qosylǵan. Ol ár 4 oqýshyǵa 1 kompıýter tıetinin kórsetedi. Búginde arnaıy qujat toltyrylyp, ata-analarǵa noýtbýk, planshetter taratyldy. Jalpy, epıdahýal rettelgen soń, mektepter de kezeń-kezeńimen dástúrli oqýǵa kóshiriledi, - dedi Sh.Muqan.

Zamıra ALDABERGENOVA
FOTO Serik QOSAEV

Pikirler