شىمكەنتتە اسار-2 شاعىناۋدانىندا اتقارىلعان جۇمىستاردىڭ بارىسى پىسىقتالدى

1728
Adyrna.kz Telegram

شىمكەنت قالاسىنىڭ اكىمى مۇرات ايتەنوۆ اسار-2 شاعىناۋدانىنداعى №138 مەكتەپتە تۇرعىندارمەن كەزدەسىپ، ينفراقۇرىلىم جۇيەلەرىنىڭ قۇرىلىس بارىسىن پىسىقتادى.

ەلدى مەكەندى اۋىز سۋمەن قامتۋ بويىنشا مەردىگەر «سارىاعاش-امان» جشس تاراپىنان وتكەن جىلى سۋ جۇيەلەرىنىڭ قۇرىلىسى اياقتالىپ، پايدالانۋعا بەرىلدى. «رەمستروي الماتى» جشس تاراپىنان 87,2 شاقىرىم ەلەكتر جۇيەلەرىنىڭ قۇرىلىسى جۇرگىزىلدى.
50,04 شاقىرىم گاز جۇيەلەرىنىڭ قۇرىلىسى اياقتالعان. كارىز جۇيەسىمەن قامتۋ بويىنشا «مونوليت ديزاين» جشس قۇرىلىس جۇمىستارىن قولعا العان. كارىز جۇيەلەرىنىڭ ۇزىندىعى – 39,6 شاقىرىم. قازىرگى تاڭدا قۇرىلىس جۇمىستارىنىڭ 40 %-ى ورىندالدى. 2022 جىلى قازان ايىندا اياقتاۋ جوسپاردا.
بۇگىنگى تاڭدا جەكە ينۆەستور قاراجاتى ەسەبىنەن قاراتاۋ اۋدانى اۋماعىنداعى بىرقاتار شاعىناۋداندار جوعارى جىلدامدىقتى ينتەرنەتپەن قامتىلدى. اسار-2 شاعىناۋدانىن وپتيكا جەلىسىمەن قامتاماسىز ەتۋ 2022 جىلدىڭ جوسپارىنا ەنگىزىلدى.
الداعى ۋاقىتتا شاعىناۋداندى تولىقتاي تالشىقتى وپتيكا جەلىسىمەن قامتۋ جۇمىستارى جۇرگىزىلەدى. بۇگىنگى تاڭدا ينۆەستور تاراپىنان ينتەرنەت جەلىسىن جۇرگىزۋگە قاجەتتى قۇرال-جابدىقتار الىنۋدا.
قالا اكىمى ەلدى مەكەندەردە ءار سالالىق باعىت بويىنشا اۋقىمدى جۇمىستار اتقارىلعانىن، مۇنىڭ ءبارى دە ازاماتتار ءۇشىن لايىقتى ءومىر ساپاسىن قامتاماسىز ەتۋگە باعىتتالعانىن جەتكىزدى. جايلى قالانىڭ كەلبەتى ءاربىر ەلدى مەكەندە كورىنىس تاۋىپ، ءاربىر تۇرعىن قالامىز ءۇشىن ماقتاناتىنداي دارەجەدە بولۋى ءتيىس دەدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر