Shymkent qalasynyń ákimi Murat Áıtenov Asar-2 shaǵynaýdanyndaǵy №138 mektepte turǵyndarmen kezdesip, ınfraqurylym júıeleriniń qurylys barysyn pysyqtady.
Eldi mekendi aýyz sýmen qamtý boıynsha merdiger «Saryaǵash-aman» JShS tarapynan ótken jyly sý júıeleriniń qurylysy aıaqtalyp, paıdalanýǵa berildi. «Remstroı Almaty» JShS tarapynan 87,2 shaqyrym elektr júıeleriniń qurylysy júrgizildi.
50,04 shaqyrym gaz júıeleriniń qurylysy aıaqtalǵan. Káriz júıesimen qamtý boıynsha «Monolıt dızaın» JShS qurylys jumystaryn qolǵa alǵan. Káriz júıeleriniń uzyndyǵy – 39,6 shaqyrym. Qazirgi tańda qurylys jumystarynyń 40 %-y oryndaldy. 2022 jyly qazan aıynda aıaqtaý josparda.
Búgingi tańda jeke ınvestor qarajaty esebinen Qarataý aýdany aýmaǵyndaǵy birqatar shaǵynaýdandar joǵary jyldamdyqty ınternetpen qamtyldy. Asar-2 shaǵynaýdanyn optıka jelisimen qamtamasyz etý 2022 jyldyń josparyna engizildi.
Aldaǵy ýaqytta shaǵynaýdandy tolyqtaı talshyqty optıka jelisimen qamtý jumystary júrgiziledi. Búgingi tańda ınvestor tarapynan ınternet jelisin júrgizýge qajetti qural-jabdyqtar alynýda.
Qala ákimi eldi mekenderde ár salalyq baǵyt boıynsha aýqymdy jumystar atqarylǵanyn, munyń bári de azamattar úshin laıyqty ómir sapasyn qamtamasyz etýge baǵyttalǵanyn jetkizdi. Jaıly qalanyń kelbeti árbir eldi mekende kórinis taýyp, árbir turǵyn qalamyz úshin maqtanatyndaı dárejede bolýy tıis dedi.
Shymkent qalasy ákimdiginiń baspasóz qyzmeti
