قاراعاندىدا قازا تاپقان ۇلتتىق ۇلان ساربازدارىنىڭ تۋىستارىنا ناگرادالار تابىستالدى. ولار تالدىقورعان مەن قىزىلوردادا ءتارتىپتى قالپىنا كەلتىرۋ كەزىندە كوز جۇمدى، دەپ حابارلادى ۇلتتىق ۇلاننىڭ ءباسپاسوز قىزمەتى.
پرەزيدەنت جارلىعىمەن ايبات امانوۆ پەن ماديار قايساروۆ قايتىس بولعاننان كەيىن ءىىى دارەجەلى "ايبىن" وردەنىمەن ماراپاتتالدى. ماراپاتتى مارقۇمداردىڭ تۋىستارىنا قاراعاندى وبلىسىنىڭ اكىمى جەڭىس قاسىمبەك تابىس ەتتى.
جيىنعا ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى الىبەك سەراليەۆ پەن "ورتالىق" وڭىرلىك قولباسشىلىعىنىڭ قولباسشىسى ساكەنتاي شەكاربەكوۆ قاتىستى. ولار وجەت ۇلدى تاربيەلەگەنى ءۇشىن قازا بولعان جاۋىنگەرلەردىڭ اتا-انالارىنا العىس ءبىلدىردى.
"ورتالىق" وڭىرلىك قولباسشىلىعى اسكەري قىزمەتكەرلەرى اتىنان الىبەك سەراليەۆ مەرت بولعان ساربازداردىڭ تۋىستارىنا 7 ميلليون تەڭگەدەن قاراجات تابىستادى.
”ادىرنا” ۇلتتىق پورتالى
