Qaza bolǵan sarbazdardyń týystaryna 7 mln teńgeden tabystaldy

2245
Adyrna.kz Telegram

Qaraǵandyda qaza tapqan Ulttyq ulan sarbazdarynyń týystaryna nagradalar tabystaldy. Olar Taldyqorǵan men Qyzylordada tártipti qalpyna keltirý kezinde kóz jumdy, dep habarlady Ulttyq ulannyń baspasóz qyzmeti.

Prezıdent jarlyǵymen Aıbat Amanov pen Madııar Qaısarov qaıtys bolǵannan keıin III dárejeli "Aıbyn" ordenimen marapattaldy. Marapatty marqumdardyń týystaryna Qaraǵandy oblysynyń ákimi Jeńis Qasymbek tabys etti.

Jıynǵa Ulttyq ulan bas qolbasshysynyń tárbıe jáne áleýmettik-quqyqtyq jumys jónindegi orynbasary Álibek Seralıev pen "Ortalyq" óńirlik qolbasshylyǵynyń qolbasshysy Sákentaı Shekarbekov qatysty. Olar ójet uldy tárbıelegeni úshin qaza bolǵan jaýyngerlerdiń ata-analaryna alǵys bildirdi.

"Ortalyq" óńirlik qolbasshylyǵy áskerı qyzmetkerleri atynan Álibek Seralıev mert bolǵan sarbazdardyń týystaryna 7 mıllıon teńgeden qarajat tabystady.

”Adyrna” ulttyq portaly

Pikirler