«كوكتەم سيمفونياسى»

2363
Adyrna.kz Telegram

2018 جىلعى 13 ناۋرىزدا قر ۇلتتىق مۋزەيىندە ناۋرىز مەيرامى اياسىندا ءتۇرلى ساناتتاعى مۇگەدەكتىگى بار كەلۋشىلەرگە ارنالعان «كوكتەم سيمفونياسى» تاقىرىبىندا مۋزىكالىق اسپاپتار مەن ءمۇسىن ونەرى تۋىندىلارى  كورمەسىنىڭ تۇساۋكەسەرى ءوتتى.

تۇساۋكەسەرگە «قازاق زاعيپتار قوعامى» قوعامدىق بىرلەستىگىنىڭ استانا قالالىق فيليالىنىڭ توراعاسى بۇحاروۆ ەرعالي بريانۇلى، استانا قالاسىنىڭ زاعيپ جانە كوزى ناشار كورەتىن ازاماتتارعا ارنالعان مامانداندىرىلعان كىتاپحاناسىنىڭ ديرەكتورى وۆەرچۋك اننا ۆاسيلەۆنا، سونىمەن قاتار،  زاعيپ جانە كوزى ناشار كورەتىن جانە قيمىل-تىرەك اپپاراتى بۇزىلعان كەلۋشىلەر قاتىستى.

قر ۇلتتىق مۋزەيى ەكسكۋرسيالىق جۇمىستار جانە مۋزەي پەداگوگيكاسى ورتالىعىنىڭ جەتەكشىسى جانار بەيىسوۆا: «ناۋرىز مەرەكەسىنە ارنالعان كورمەنىڭ ماقساتى – مۇمكىندىگى شەكتەۋلى جاندارعا كوڭىل ءبولىپ، قۋانتىپ، شىعارماشىلىق شابىت سىيلاۋ. كورمەگە وتاندىق جانە شەتەلدىك اۆتورلاردىڭ تۋىندىلارى قويىلىپ وتىر. مۇنداعى ەكسپوناتتاردى قولمەن ۇستاپ كورۋگە بولادى جانە تۋىندىلارعا برايل جازۋى ورناتىلعان. قوناقتاردىڭ نازارىنا مۋزىكالىق اسپاپتار مەن ءتۇرلى مۇسىندەردى ۇسىنىپ وتىرمىز» دەدى ءوز سوزىندە.

كورمەگە مارات عابدراحمانوۆتىڭ «جاۋىنگەر»، ۆالەريا پيروجكوۆانىڭ «بۇركىتشى»، اناتوليا پوسيادونىڭ «تابىندا»، اسگات دينەكەەۆتىڭ «اۋەن»، رىسبەك احمەتوۆتىڭ «نەمەرە»، فرانكو-حورۆاتسۋرەتشىسى، مۇسىنشىياسەنكا تۋچان ۆاياننىڭ «كوكتەم كەلدى»اتتىمۇسىندەرى قويىلدى. قازاقتىڭ ۇلتتىق مۋزىكا اسپاپتارىن زەرتتەۋشى بولات سارىباەۆتىڭ كوللەكتسياسىنان الىنعان دومبىرا، قىلقوبىز، سىبىزعى، ۇران، اساتاياقسياقتى ساز اسپاتارى اتالعان كورمەنىڭ باستى اشەكەيىنە اينالعان.

مۋزەي پەداگوگيكاسى جانە بالالار شىعارماشىلىعى ءبولىمىنىڭ جەتەكشىسى گاۋھار ءسادىباي: «كوكتەم سيمفونياسى» كورمەسى ۇلتتىق مۋزەيدىڭ «مەيىرىم» جوباسى اياسىندا ۇيىمداستىرىلىپ وتىر. مۇمكىندىگى شەكتەۋلى جاندارعا ارنالعاندىقتان، ونداعى ەكسپوناتتاردى قولمەن ۇستاۋعا بولادى. بۇل شارا كەلۋشىلەردىڭ تانىم-تۇسىنىگىن كەڭەيتىپ، رۋحاني ازىق بەرەرىنە سەنەمىز. كورمەگە قويىلعان جۇمىستار مۋزەيدىڭ قورىنان تاڭداپ الىندى» دەدى.

جادىگەرلەر جانىندا ولەڭدەر وقىلىپ، كۇيلەر ورىندالدى. وسىلايشا ۇلىستىڭ ۇلى كۇنى ناۋرىز مەيرامىنىڭ ءمانى مەن ءجون-جورالعىسىن بىلدىرەتىن كوكتەمنىڭ وزىندىك اۋەنى شىرقالدى. سونىمەن قاتار، كورمە قاتىسۋشىلارىنىڭ قاتىسۋىمەن مەرەكەلىك كونتسەرت ۇيىمداستىرىلدى.

تۇساۋكەسەردە امانجول شامكەنوۆتىڭ «قامشى» (استانا قالاسىنىڭ زاعيپ جانە كوزى ناشار كورەتىن ازاماتتارعا ارنالعان مامانداندىرىلعان كىتاپحاناسىنىڭ برايل جازۋى بويىنشا وقىتۋشىسى قاريباەۆا باعدات قاريبايقىزىنىڭ ورىنداۋىندا), اباي قۇنانباەۆتىڭ «قانسوناردا بۇركىتشى شىعادى اڭعا» (64 دويبى بويىنشا جارىستاردىڭ جەڭىمپازى، زاعيپ جاندار اراسىنداعى قالالىق كوركەم ءسوز وقۋ بايقاۋىنىڭ جەڭىمپازى سوفيا دميتريەۆنا ماكسيموۆانىڭ ورىنداۋىندا), بايان بەكەتوۆانىڭ «ناعىز قازاق دالاسى» («رۋح كۇشى» نوميناتسياسىنىڭ جەڭىمپازى، لوندونداعى «جاقسىلىق الەمدى قۇتقارادى» حالىقارالىق فەستيۆالى مەدالىنىڭ يەگەرى شولپان ءشارىپوۆانىڭ ورىنداۋىندا)ولەڭدەرى وقىلىپ، «رازنىە-راۆنىە» اتتى استانالىق بايقاۋدىڭ «ۇزدىك ورىنداۋشىسى» جانە «ۇزدىك بي» نوميناتسيالارىنىڭ ءبىرىنشى دارەجەلى ديپلومانتى قوقانوۆا اسەلدىڭ ورىنداۋىندا كۇيلەر ورىندالدى.

پىكىرلەر