2018 jylǵy 13 naýryzda QR Ulttyq mýzeıinde Naýryz meıramy aıasynda túrli sanattaǵy múgedektigi bar kelýshilerge arnalǵan «Kóktem sımfonııasy» taqyrybynda mýzykalyq aspaptar men músin óneri týyndylary kórmesiniń tusaýkeseri ótti.
Tusaýkeserge «Qazaq zaǵıptar qoǵamy» qoǵamdyq birlestiginiń Astana qalalyq fılıalynyń tóraǵasy Buharov Erǵalı Brıanuly, Astana qalasynyń Zaǵıp jáne kózi nashar kóretin azamattarǵa arnalǵan mamandandyrylǵan kitaphanasynyń dırektory Overchýk Anna Vasılevna, sonymen qatar, zaǵıp jáne kózi nashar kóretin jáne qımyl-tirek apparaty buzylǵan kelýshiler qatysty.
QR Ulttyq mýzeıi Ekskýrsııalyq jumystar jáne mýzeı pedagogıkasy ortalyǵynyń jetekshisi Janar Beıisova: «Naýryz merekesine arnalǵan kórmeniń maqsaty – múmkindigi shekteýli jandarǵa kóńil bólip, qýantyp, shyǵarmashylyq shabyt syılaý. Kórmege otandyq jáne sheteldik avtorlardyń týyndylary qoıylyp otyr. Mundaǵy eksponattardy qolmen ustap kórýge bolady jáne týyndylarǵa Braıl jazýy ornatylǵan. Qonaqtardyń nazaryna mýzykalyq aspaptar men túrli músinderdi usynyp otyrmyz» dedi óz sózinde.
Kórmege Marat Ǵabdrahmanovtyń «Jaýynger», Valerııa Pırojkovanyń «Búrkitshi», Anatolııa Posıadonyń «Tabynda», Asgat Dınekeevtiń «Áýen», Rysbek Ahmetovtiń «Nemere», franko-horvatsýretshisi, músinshiIasenka Týchan Vaıannyń «Kóktem keldi»attymúsinderi qoıyldy. Qazaqtyń ulttyq mýzyka aspaptaryn zertteýshi Bolat Sarybaevtyń kollekııasynan alynǵan dombyra, qylqobyz, sybyzǵy, uran, asataıaqsııaqty saz aspatary atalǵan kórmeniń basty áshekeıine aınalǵan.
Mýzeı pedagogıkasy jáne balalar shyǵarmashylyǵy bóliminiń jetekshisi Gaýhar Sádibaı: «Kóktem sımfonııasy» kórmesi Ulttyq mýzeıdiń «Meıirim» jobasy aıasynda uıymdastyrylyp otyr. Múmkindigi shekteýli jandarǵa arnalǵandyqtan, ondaǵy eksponattardy qolmen ustaýǵa bolady. Bul shara kelýshilerdiń tanym-túsinigin keńeıtip, rýhanı azyq bererine senemiz. Kórmege qoıylǵan jumystar mýzeıdiń qorynan tańdap alyndy» dedi.
Jádigerler janynda óleńder oqylyp, kúıler oryndaldy. Osylaısha Ulystyń uly kúni Naýryz meıramynyń máni men jón-joralǵysyn bildiretin kóktemniń ózindik áýeni shyrqaldy. Sonymen qatar, kórme qatysýshylarynyń qatysýymen merekelik konert uıymdastyryldy.
Tusaýkeserde Amanjol Shámkenovtyń «Qamshy» (Astana qalasynyń zaǵıp jáne kózi nashar kóretin azamattarǵa arnalǵan mamandandyrylǵan kitaphanasynyń Braıl jazýy boıynsha oqytýshysy Qarıbaeva Baǵdat Qarıbaıqyzynyń oryndaýynda), Abaı Qunanbaevtyń «Qansonarda búrkitshi shyǵady ańǵa» (64 doıby boıynsha jarystardyń jeńimpazy, zaǵıp jandar arasyndaǵy qalalyq kórkem sóz oqý baıqaýynyń jeńimpazy Sofıa Dmıtrıevna Maksımovanyń oryndaýynda), Baıan Beketovanyń «Naǵyz qazaq dalasy» («Rýh kúshi» nomınaııasynyń jeńimpazy, Londondaǵy «Jaqsylyq álemdi qutqarady» halyqaralyq festıvali medaliniń ıegeri Sholpan Sháripovanyń oryndaýynda)óleńderi oqylyp, «Raznye-ravnye» atty astanalyq baıqaýdyń «Úzdik oryndaýshysy» jáne «Úzdik bı» nomınaııalarynyń birinshi dárejeli dıplomanty Qoqanova Áseldiń oryndaýynda kúıler oryndaldy.
