جۋرناليست نۇرلان اسقارۇلى قازىرگى استانامىز نۇر-سۇلتان قالاسىنىڭ اتاۋىن وزگەرتەر بولساق "بوزوردا" دەپ وزگەرتۋدى ۇسىندى، دەپ حابارلايدى "ادىرنا "ۇلتىق پورتالى.
" تاراز جانە قاراۋىل سياقتى تاريحي ەسكى اتاۋلاردى جويماۋىمىز قاجەت. ال جامبىل مەن اباي سىندى ءىرى اقىندارىمىزدىڭ جانە الاش ارىستارىنىڭ ەسىمدەرىن قالا اتاۋى ەتىپ قويعىمىز كەلسە، قازاقتىڭ كەڭ دالاسىندا جاڭا قالالار تۇرعىزىپ، جاڭا تاريح قالىپتاستىرۋىمىز قاجەت. نەگىزگى ويىم، تاۋەلسىزدىكتەن كەيىنگى تاريح ياكي كەيىنگى جۇزجىلدىقتاعى تاريحي تۇلعالاردىڭ اتىن قالالارعا، اۋدان ورتالىقتارى مەن اۋىلدارعا بەرۋ ارقىلى ءبىز ەجەلگە اتاۋلاردى جوعالتىپ الۋىمىز مۇمكىن. توپونوميميكالىق اتاۋلار ۇلتتىق ەرەكەشەلىكتەرىمىزدى ساقتاپ، بايىرعى تاريحىمىزدان حابار بەرەتىن رۋحاني دۇنيەلەر.قاراۋىل، تاراز سەكىلدى قادىمنان قالعان قالا اتاۋلارى ءبىزدىڭ ەجەلدەن ەل بولىپ، جۇرت بولىپ قالىپتاسقاندىعىمىزدى بىلدىرەدى.
تاريحتا قالالاردىڭ جويىلۋى شاحار تۇرعىندارىنىڭ ىندەتتەن قىرىلىپ، ول جەردى تارك ەتىپ كوشىپ كەتكەن كەزىمەن نەمەسە سىرتتان كەلگەن شاپقىنشىلار ورتكە وراپ، جان قالدىرعماعان جاعدايلارمەن عانا بايلانىستى. ەلىمىزدىڭ وڭتۇستىگىندەگى بىرنەشە قالانىڭ اتاۋى وسىنداي سەبەپتەن اتالمايدى. تەك، مۇراعاتتاعى سارعايعان قۇجاتتاردا جانە تاريحي ەڭبەكتەردىڭ پاراقتارىندا عانا جازىلعان قالالاردى قايتا قالپىنا كەلتىرۋ كوپ جۇمىستى قاجەت ەتەدى. وتىرار، سارايشىقتى ەسكە الساق بىرنەشە ءجۇز جىل بۇرىن بولعان تاريح ويىمىزعا ورالادى. بۇل قالالار قازىر تەك مۇراجاي رەتىندە عانا ىسكە جاراپ تۇر. ءبىز بۇدان ساباق الىپ، ءىس قىلساق جاڭىلمايمىز.
ەلدى مەكەندەر مەن قالالاردىڭ اتاۋىن اۋىستىرعاندا قوعامدىق عىلىمدار سالاسىنىڭ عالىمدارى، جاراتىلىستانۋ باعىتىنىڭ عالىمدارى جانە وزگە دە ونوماستيكا سياقتى تىكەلەي جاۋاپتى سالانىڭ ماماندارى بىرلەسىپ، حالىقتىڭ پىكرىمەن ساناسا وتىرىپ وزگەرتكەن دۇرىس دەپ ويلايمىن" دەپ پىكىر ءبىلدىردى نۇرلان مىرزا.
ءتىپتى ول وسى تاقىرىپتا ولەڭ شىعاردى.
بوزوردا
تاريحىن بوزوقتان باستاعان،
دەرەكتى، جادىگەر ساقتاعان.
ءار كەزدە ارقالاي ايتىلىپ،
سوڭىندا بوزوردا اتانعان.
كوگىندە كۇنى تۇر قالقىعان،
بيىككە قىرانى تالپىنعان.
ەگىستە بيدايى جايقالعان،
ونەرلى ۇرپاعى ءان شىرقاعان.
مەرەيلى ماقتانىم بوزوردام،
الىستان قاراساڭ بوزارعان.
قوناقتى مۇندالاپ شاقىرعان،
ارايلى، شىرايلى – استانام.
دانالار قالامىن ۇشتاعان،
بيلەرى حاننان دا ىقپاعان.
ساز يلەپ قۇمىرا جاساعان،
كىرپىشتەن ءۇي سالىپ قىستاعان.
ءتاڭىر دەپ ءبىر-ءبىرىن قوستاعان،
ۇل-قىزى ادەپتەن اسپاعان.
ەرىنبەي تەر توگىپ مال باعىپ،
بايلارى ءتورت تۇلىك ۇستاعان.
ەجەلدەن ەرى بار كەن قازعان،
وندىرگەن جەرلەرى جەزقازعان.
الىپتار نايزاسىن ساپتاعان،
نامىسى بايراعىن جىقپاعان.
نۇرلان اسقارۇلى،
"ادىرنا" ۇلتتىق پورتالى
