Jýrnalıst Nurlan Asqaruly Nur-Sultan qalasynyń ataýyn "Bozorda" dep ózgertýdi usyndy

2665
Adyrna.kz Telegram

Jýrnalıst Nurlan Asqaruly qazirgi astanamyz Nur-Sultan qalasynyń ataýyn ózgerter bolsaq "Bozorda" dep ózgertýdi usyndy, dep habarlaıdy "Adyrna "ultyq portaly.

" Taraz jáne Qaraýyl sııaqty tarıhı eski ataýlardy joımaýymyz qajet. Al Jambyl men Abaı syndy iri aqyndarymyzdyń jáne Alash arystarynyń esimderin qala ataýy etip qoıǵymyz kelse, qazaqtyń keń dalasynda jańa qalalar turǵyzyp, jańa tarıh qalyptastyrýymyz qajet. Negizgi oıym, Táýelsizdikten keıingi tarıh ıakı keıingi júzjyldyqtaǵy tarıhı tulǵalardyń atyn qalalarǵa, aýdan ortalyqtary men aýyldarǵa berý arqyly biz ejelge ataýlardy joǵaltyp alýymyz múmkin. Toponomımıkalyq ataýlar ulttyq erekeshelikterimizdi saqtap, baıyrǵy tarıhymyzdan habar beretin rýhanı dúnıeler.Qaraýyl, Taraz sekildi qadymnan qalǵan qala ataýlary bizdiń ejelden el bolyp, jurt bolyp qalyptasqandyǵymyzdy bildiredi.

Tarıhta qalalardyń joıylýy shahar turǵyndarynyń indetten qyrylyp, ol jerdi tárk etip kóship ketken kezimen nemese syrttan kelgen shapqynshylar órtke orap, jan qaldyrǵmaǵan jaǵdaılarmen ǵana baılanysty. Elimizdiń ońtústigindegi birneshe qalanyń ataýy osyndaı sebepten atalmaıdy. Tek, muraǵattaǵy sarǵaıǵan qujattarda jáne tarıhı eńbekterdiń paraqtarynda ǵana jazylǵan qalalardy qaıta qalpyna keltirý kóp jumysty qajet etedi. Otyrar, Saraıshyqty eske alsaq birneshe júz jyl buryn bolǵan tarıh oıymyzǵa oralady. Bul qalalar qazir tek murajaı retinde ǵana iske jarap tur. Biz budan sabaq alyp, is qylsaq jańylmaımyz.

Eldi mekender men qalalardyń ataýyn aýystyrǵanda qoǵamdyq ǵylymdar salasynyń ǵalymdary, jaratylystaný baǵytynyń ǵalymdary jáne ózge de onomastıka sııaqty tikeleı jaýapty salanyń mamandary birlesip, halyqtyń pikrimen sanasa otyryp ózgertken durys dep oılaımyn" dep pikir bildirdi Nurlan myrza.

Tipti ol osy taqyrypta óleń shyǵardy.

Bozorda

Tarıhyn Bozoqtan bastaǵan,
Derekti, jádiger saqtaǵan.
Ár kezde árqalaı aıtylyp,
Sońynda Bozorda atanǵan.
Kóginde kúni tur qalqyǵan,
Bıikke qyrany talpynǵan.
Egiste bıdaıy jaıqalǵan,
Ónerli urpaǵy án shyrqaǵan.
Mereıli maqtanym Bozordam,
Alystan qarasań bozarǵan.
Qonaqty mundalap shaqyrǵan,
Araıly, shyraıly – Astanam.
Danalar qalamyn ushtaǵan,
Bıleri hannan da yqpaǵan.
Saz ılep qumyra jasaǵan,
Kirpishten úı salyp qystaǵan.
Táńir dep bir-birin qostaǵan,
Ul-qyzy ádepten aspaǵan.
Erinbeı ter tógip mal baǵyp,
Baılary tórt túlik ustaǵan.
Ejelden eri bar ken qazǵan,
Óndirgen jerleri Jezqazǵan.
Alyptar naızasyn saptaǵan,
Namysy baıraǵyn jyqpaǵan.

Nurlan ASQARULY,
"Adyrna" ulttyq portaly

 

Pikirler