الماتى اكىمدىگى وكىلى قالاداعى تارتىپسىزدىكتەر كەيىن كەلتىرىلگەن شىعىن سوماسىن ايتتى. بۇل تۋرالى الماتى اكىمىنىڭ ورىنباسارى ءىلياس وسەروۆ مالىمدەدى، دەپ حابارلايدى "ادىرنا" ۇلتتىق پورتالى.
الماتى اكىمىنىڭ ورىنباسارى مۇحيت ازىرباەۆ قالادا زارداپ شەككەن 10 نىسان مەملەكەت ەسەبىنەن قالپىنا كەلتىرىلەتىنىن ايتتى.
- قالاعا كەلتىرىلگەن شىعىن سوماسى 112 ميلليارد تەڭگە بولادى، بيزنەس نىساندارى - 67 ميلليارد، ونىڭ ىشىندە 42 ميلليارد شاعىن جانە ورتا بيزنەسكە تيەسىلى. ازىق-تۇلىك ساتپايتىن دۇكەندەر كوپ زارداپ شەكتى. ولارعا كەلتىرىلگەن شىعىن سوماسى 21 ميلليارد تەڭگە، ال قارۋ-جاراق دۇكەندەرىنە 6,4 ميلليارد تەڭگە كولەمىندە زالال كەلدى. قارجى ۇيىمدارىنىڭ ىشىندە بانكتەر، بانكوماتتارعا كەلتىرىلگەن شىعىن 700 ميلليون تەڭگە بولدى. اكىمشىلىك عيماراتتار بويىنشا مۇحيت باقىتۇلى باياندادى، - دەدى ول.
الماتى اكىمىنىڭ ورىنباسارى مۇحيت ازىرباەۆ قالادا زارداپ شەككەن 10 نىسان مەملەكەت ەسەبىنەن قالپىنا كەلتىرىلەتىنىن ايتتى.
- 243 نىساندى قالپىنا كەلتىرۋ قاجەت، ءورت اۋىزدىقتالعان جەرلەردەگى ەسىك اينەگىن اۋىستىرۋ كەرەك. ونىڭ ىشىندە 27-ءسى - مەملەكەتتىك مەكەمە نىسانى، 216-cى - شاعىن جانە ورتا بيزەس نىسانى. 27 مەملەكەتتىك نىساننىڭ 10-ىن قالپىنا كەلتىرۋ بيۋدجەت قاراجاتى ەسەبىنەن جۇرگىزىلەدى، وندا ۇلكەن جۇمىستار جۇرگىزۋ كەرەك. ولار - اكىمدىك عيماراتىنىڭ 4 نىسانى، "قازاقستان" تەلەارناسى عيماراتى، پرەزيدەنت رەزيدەنتسياسى، قالا پروكۋراتۋراسىنىڭ قۇقىقتىق ستاتيستيكا جانە الەۋمەتتىك ەسەپكە الۋ جونىندەگى باسقارماسىنىڭ عيماراتى. سونداي-اق 6 نىسانعا جوندەۋ جۇمىستارىن جۇرگىزۋ قاجەت: پوليتسيا دەپارتامەنتىنىڭ عيماراتى، المالى اۋداندىق پوليتسيا باسقارماسىنىڭ عيماراتى، فرونت-ءوفيسى. "قازقسعزي" ينستيتۋتتارى مەن "قازمير" اق قاجەت سومانى ەسەپتەۋگە كومەكتەسەدى، - دەپ ءتۇسىندىردى الماتى اكىمىنىڭ ورىنباسارى مۇحيت ازىرباەۆ.
"ادىرنا" ۇلتتىق پورتالى
