Almaty ákimdigi ókili qaladaǵy tártipsizdikter keıin keltirilgen shyǵyn somasyn aıtty. Bul týraly Almaty ákiminiń orynbasary Ilııas Óserov málimdedi, dep habarlaıdy "Adyrna" ulttyq portaly.
- Qalaǵa keltirilgen shyǵyn somasy 112 mıllıard teńge bolady, bıznes nysandary - 67 mıllıard, onyń ishinde 42 mıllıard shaǵyn jáne orta bızneske tıesili. Azyq-túlik satpaıtyn dúkender kóp zardap shekti. Olarǵa keltirilgen shyǵyn somasy 21 mıllıard teńge, al qarý-jaraq dúkenderine 6,4 mıllıard teńge kóleminde zalal keldi. Qarjy uıymdarynyń ishinde bankter, bankomattarǵa keltirilgen shyǵyn 700 mıllıon teńge boldy. Ákimshilik ǵımarattar boıynsha Muhıt Baqytuly baıandady, - dedi ol.
Almaty ákiminiń orynbasary Muhıt Ázirbaev qalada zardap shekken 10 nysan memleket esebinen qalpyna keltiriletinin aıtty.
- 243 nysandy qalpyna keltirý qajet, órt aýyzdyqtalǵan jerlerdegi esik áınegin aýystyrý kerek. Onyń ishinde 27-si - memlekettik mekeme nysany, 216-cy - shaǵyn jáne orta bızes nysany. 27 memlekettik nysannyń 10-yn qalpyna keltirý bıýdjet qarajaty esebinen júrgiziledi, onda úlken jumystar júrgizý kerek. Olar - ákimdik ǵımaratynyń 4 nysany, "Qazaqstan" telearnasy ǵımaraty, Prezıdent rezıdenııasy, qala prokýratýrasynyń Quqyqtyq statıstıka jáne áleýmettik esepke alý jónindegi basqarmasynyń ǵımaraty. Sondaı-aq 6 nysanǵa jóndeý jumystaryn júrgizý qajet: Polıııa departamentiniń ǵımaraty, Almaly aýdandyq Polıııa basqarmasynyń ǵımaraty, front-ofısi. "QazQSǴZI" ınstıtýttary men "QazMır" AQ qajet somany esepteýge kómektesedi, - dep túsindirdi Almaty ákiminiń orynbasary Muhıt Ázirbaev.
"Adyrna" ulttyq portaly