Qazaqstan prezıdenti Qasym-Jomart Toqaev komıssııa quramyna Prezıdent Ákimshiliginiń qyzmetkerleri kirgenin málimdedi, dep habarlaıdy "Adyrna" ulttyq portaly
Ol Respýblıkalyq jedel shtabtyń turaqty jumys istep jatqanyn atap ótti.
Komıssııaǵa elimizdegi turaqtylyq múddesi úshin týyndaǵan máseleniń eki tarapqa da qolaıly sheshimin tabý tapsyryldy. Quqyq qorǵaý organdaryna qoǵamdyq tártiptiń buzylmaýyn qadaǵalaý tapsyryldy. Demonstranttar jaýapkershilik pen dıalogqa daıyn bolýy kerek, dedi Qazaqstan Prezıdenti Qasym-Jomart Toqaev.
2 qańtarda Jańaózen turǵyndary suıytylǵan gaz baǵasyna narazylyqtaryn bildirgeni belgili boldy. Baǵanyń kóterilý sebebin Energetıka mınıstrligi túsindirdi.
2022 jyldyń 1 qańtarynan bastap SKG saýdasynyń taýar bırjalaryna tolyq kóshýi júzege asyryldy. Mańǵystaý oblysyna qańtar aıynda jetkizilgen suıytylǵan gazdyń ortasha kóterme baǵasy tonnasyna 133 126 teńgeni nemese lıtrine 78 teńgeni qurady. Bul rette bólshek saýda baǵasy Aqtaý, Jańaózen qalalarynda, sondaı-aq Mańǵystaý oblysynda lıtrine 100-120 teńgeni qurady.
QR EM baspasóz qyzmeti
Jeltoqsannyń 2-si kúni ótken brıfıngte Mańǵystaý oblysynyń energetıka jáne turǵyn úı-kommýnaldyq sharýashylyq basqarmasynyń basshysy Berdibek Qartbaev búginde oblysta qajetti gaz kólemi bar ekenin atap ótti. Zaýyttar qalypty jumys istep, jetkizý kestege saı júrgizilýde.
Keıin memleket basshysynyń tapsyrmasyn oryndaý maqsatynda úkimet suıytylǵan munaı gazynyń (SKG) baǵasyn retteý boıynsha keshendi sharalardy júzege asyratyny belgili boldy.
"Adyrna" ulttyq portaly
