Zańger A.Táshenova Facebook jelisindegi jazbasynda Almatydaǵy sot otyrysyna túsinikteme berip, jaýapqa tartylýshylardyń zańgeri E.Qalıevke zańdardy muqııat oqýdy jáne proeske jaqsylap daıyndalýdy usyndy. Zańger óziniń Facebook paraqshasynda tómendegideı jazba qaldyrdy.
Qurmetti dostar!
Keshe Mamaı men Imanbaeva kezekti márte oısyraı jeńildi!
Almaty qalalyq soty B.Baıbektiń ar-namysyn, abyroıyn jáne iskerlik bedelin qorǵaý jóninde talap aryzy boıynsha sot sheshiminiń tolyq oryndalmaýyna baılanysty Mamaıdyń júrgizýshi kýáligin qoldanýyn toqtatý, sondaı-aq boryshkerlerge kez-kelgen ruqsatnamalar men lıenzııalardy alýǵa ýaqytsha tyıym salý týraly sheshimdi ózgerissiz qaldyrdy.
Esterińizge sala ketsem, jaýapkerler maǵan senim bildirýshi týraly sot shyndyqqa janaspaıdy dep tanyǵan materıaldardy teriske shyǵaryp, olardy óshirip tastaýdan negizsiz bas tartyp otyr.
Men osyǵan deıin jazǵanymdaı, sot sheshimi osylaı bolatyny belgili edi. Mamaı men Imanbaeva bul joly da sotta ózderiniń sandyraq áreketterine qatysty kókeıge qonymdy quqyqtyq negiz usyna almady. Eń kúlkilisi sol, jaýapkerler bul aılany sot bastalǵannan beri, ıaǵnı jarty jyl kóleminde qoldanyp keledi.
Endi qorytyndylarǵa qysqasha toqtalyp óteıin.
Birinshiden, Mamaı men Imanbaeva ashyq ári jarııa sotta B.Baıbekke qatysty jarııalaǵan ósek-jalalaryna birde-bir dálel keltire almaǵanyn bilesizder. Nátıjesinde barlyq ınstanııalarda jeńilis tapty: Imanbaevanyń aryzy Joǵarǵy sotta da qaralyp, shaǵymy qanaǵattandyrýsyz qaldyryldy. Bul eń sońǵy sot ınstanııasy.
Kassaııalyq satyda tek Imanbaeva ǵana shaǵym túsirgenin atap ótkim keledi. Al Mamaı buǵan deıin jarııalaǵan sandyraq málimdemelerine qaramastan, jubaıyn «otqa tastap», ózi shette qaldy. Keshegi jazbasynda Mamaı Joǵarǵy sotqa bergen aryzym jaýapsyz qaldy-mys degen syltaý aıtypty.
Bul Mamaıdyń taǵy bir kezekti arsyz ótirigi. Sot zańǵa sáıkes resimdelgen kez-kelgen shaǵymǵa dáleldi jaýap berýge mindetti. Sondyqtan da onyń ashyqtyq týraly qoımaı aıtyp júretinin eskere otyryp, Mamaıǵa óz sóziniń dáleli retinde Joǵarǵy Sotqa jibergen ótinishin jáne oǵan berilgen jaýapty jarııa etýdi usynamyn. Sonymen qatar, shyndyqty anyqtap, Mamaıdyń kassaııalyq sotqa shaǵymdanǵanyn nemese shaǵymdanbaǵanyn anyqtaý maqsatynda men ony kútpeı-aq Joǵarǵy Sotqa saýal joldadym.
Mamaı kassaııaǵa júginse de, onyń shaǵymynyń mazmuny Imanbaevanyń talap-aryzymen sáıkes bolaryn eskere otyryp, sheshim de soǵan uqsas bolady, ıaǵnı shaǵym qanaǵattandyrýsyz qalatyna erekshe nazar aýdarǵym keledi.
Sonymen qatar, búkil proess kezeńindegi jaýapkerlerdiń is-áreketteri men ustanymdarynyń qaıshylyǵyn atap ótkim keledi. Sot sheshimimen kelispeıtini týraly jarııa málimdemelerine qaramastan, Mamaı men Imanbaeva óz áreketteri arqyly sheshimdi tolyq moıyndady.
Iaǵnı, Mamaı men Imanbaeva sot arqyly óndirip alynǵan barlyq somany óz erkimen ári májbúrleýsiz ýaqytyly tóledi: olar B.Baıbek aýtızmi bar balalarǵa kómek retinde jibergen 876 402 teńge kóleminde sot shyǵyndaryn, sondaı-aq sot sheshimin tolyq oryndamaǵany úshin ákimshilik is júrgizý sheńberinde Almaty qalasynyń bıýdjetine árqaısysy 140 jáne 15 myń teńgeden aıyppul ótedi.
Ekinshiden, Mamaı men Imanbaeva barshaǵa ózderiniń aldamshy bolmysyn, quqyqtyq nıgılızmin taǵy da kórsetti.
Keshegi otyrysta Imanbaeva sot sheshiminiń oryndalmaý sebebin túsindirip, naqty máseleniń máni boıynsha sóıleý týraly sottyń ótinishine ádettegideı baıbalam salyp, nazardy istiń taqyrybyna emes, basqa máselelerge aýdardy. Sot birneshe ret eskertý jasaýǵa májbúr bolyp, Imanbaevany sot otyrysynan shettetti. Mamaı men Imanbaeva árqashan mysal retinde keltiretin damyǵan demokratııalyq elderde bul áreketteri úshin áldeqaıda barynsha qatań jaýapkershilikke tartylar edi.
Óz kezeginde, Mamaı ózine tán emes qylyq tanytyp, proess boıy únsiz qalǵanyn atap ótemin. Shamasy, Imanbaevany proessten shettetý oǵan áser etken sekildi.
«Bir apam bar, odan ótken soraqy» degendeı, jaýapkerlerdiń «zańgeri» Qalıev taǵy da erekshelendi. Ol proesti barynsha sozýǵa tyrysyp, tipti shekteý sharalaryn qoldaný rásimderine qatysty zańnamalyq olqylyqtarǵa baılanysty-mys otyrysty toqtatý jáne Konstıtýııalyq Keńeske júginý týraly negizsiz ótinish bildirdi. Zańǵa sáıkes sot bul ótinishti qabyldamady.
Qalıevke odan góri zańdardy muqııat oqýǵa jáne proeske jaqsylap daıyndalýǵa taǵy da keńes beremin!
Mamaı men Imanbaevaǵa qatysty barlyq sankııalar «Atqarýshylyq is júrgizý jáne sot oryndaýshylarynyń mártebesi týraly» zańda naqty jazylǵanyn atap ótemin.
Úshinshiden, Mamaılar jubynyń shekten shyqqan prınıpsizdigi men alalaýshylyǵy odan saıyn tań qaldyrýda.
Mamaıdyń logıkasyna qaraıtyn bolsaq, ol basqalardy esh dálelsiz, kópshilik aldynda qorlap jáne túbegeıli jalǵan aqparat taratý arqyly olardyń konstıtýııalyq quqyqtaryn anaıy jáne ashyq túrde buza alady. Biraq, zań boıynsha ony jaýapqa tartqanda, Mamaı birden Konstıtýııaǵa júgine bastaıdy.
Al, Imanbaeva odan asyp túsip, balalarynyń artyna jasyrynyp, aıap-esirkesin degen aıla-sharǵymen qoǵamdyq pikir qalyptastyrmaqshy. Bul endi ınızmniń shyńy, onyń boıynda uıattyń jurnaǵy da qalmaǵan, tipti balalar da onyń saıası oıynda paıdalanar quralyna aınalyp ketken.
Qazir Mamaı men Imanbaevanyń ótirikke belshelerinen batqany, olar úshin tek aqsha men paıdakúnemdik múddeleri ǵana mańyzdy ekendigi bárine belgili. Júrgizýshi kýáligine qatysty olar qalaı dúrlikkenin qarańyzdarshy. Al olardyń ar-ojdannan attap ótip, qadir-qasıetine, balalaryna, ata-analary men týysqandaryna qarmastan kóptegen adamdardy jarııa túrde qorlaǵany múldem alańdatpaıdy da, basqa adamdardyń konstıtýııalyq quqyqtaryna túkirgeni bar.
Áıtse de, Mamaı men Imanbaevadan bar bolǵany sot sheshimin oryndaý – sot sheshimine sáıkes B.Baıbekke qatysty jalǵan materıaldardy teriske shyǵarý jáne joıý talap etilip otyr. Sonda barlyq shekteýler alynyp tastalady. Bul olardyń óz tańdaýlary jáne óz sheshimderi!
Olardyń tabandap otyryp alýlarynyń sebebi qarapaıym ǵana: Mamaı jala japqan jarııalanymdar men beıneler joıylǵan jaǵdaıda, onyń «saýdyraǵan sózden salynǵan saraıynyń» shańyraǵy ortasyna túsedi dep shoshynýyna baılanysty bolýy múmkin. Sonda onyń jalǵan ekijúzdi beınesin kórip, tipti artynan ergen shaǵyn «tobyry» da odan keri aınalmaq.
Eger Mamaı men Imanbaeva arsyz jala jaýyp, ózderiniń teris pıǵyldy is-áreketin jalǵastyra berse, onda olarǵa atqarýshylyq is júrgizý týraly habarlama berilgen kúnnen bastap 6 aı ótken soń, ıaǵnı kelesi jyldyń naýryz aıynda sot sheshimin oryndamaǵany úshin sot oryndaýshysy qylmystyq is qozǵaýǵa májbúr bolady.
Bul jaǵdaıda, bizdiń ustanymymyz óte qarapaıym: biz Mamaı men Imanbaevany olardyń árqaısysy úshin zańǵa sáıkes 800 saǵatqa jetýi múmkin qoǵamdyq jumystarǵa tartýdy talap etemiz. Iaǵnı, olarǵa Almaty kóshelerin sypyrýǵa týra keledi.
Qorytyndylaı kelgende, Mamaı men Imanbaeva – ıdeıa jolynda japa shegýshiler emes, kerisinshe zańdy kúshine engen sot sheshimin oryndaýdan esh negizsiz bas tartqan prınıpsiz jáne zııankes zań buzýshylar!
Osylaısha olar kez kelgen demokratııalyq memlekettiń basty qaǵıdaty – Zań ústemdigin arsyz belden basýda. Iaǵnı, «ańqaý elge aramza moldanyń» kebin keltirip otyr.
Alaıda, sottyń arqasynda Mamaı men Imanbaevanyń barlyq maskalary tolyǵymen sheshildi. Endi olardyń sózderi men is-áreketteriniń tolyqtaı jalǵan ekenin túsinip, barlyǵy olardyń shynaıy bolmysyn kórdi.
P/S. Mamaıdyń kassaııalyq sotqa shaǵymdanǵanyn nemese shaǵymdanbaǵanyn anyqtaý maqsatynda meniń Joǵarǵy Sotqa joldaǵan saýalyma jaýapty ala salysymen ony jarııalaıtyn bolamyn
