16-jeltoqsan – Táýelsizdik kúni merekesineoraı Munaıly aýdany Batyr aýylynda kóp balalyjáne osal toptaǵy 80 otbasyǵa baspana berildi. Ár páteri 70 sharshy metrdi quraıtyn turǵyn úı «Nurly jol» baǵdarlamasy aıasynda salynǵan.
Batyr aýylynyń irgetasyn Mańǵystaýdyń tól perzenti, abyz aqyn Ábish Kekilbaıuly qalap, ataýyn da ózi qoıǵan edi. Búginde Batyr aýylynda 13 myńnan astam adam turady. Óńir boıynsha eń kóp týý kórsetkishi de osy aýylda tirkelip otyr.
Aıta keteıik, Munaıly – elimiz Táýelsizdik alǵannan keıin qurylǵan alǵashqy aýdan. Aýdan qurylǵan jyldardan beri Munaılyda jylyna orta eseppen 195-198 sharshy metr turǵyn úı paıdalanýǵa beriledi. Qazir Mańǵystaý jáne Dáýlet aýyldyq okrýgterinde kópqabatty turǵyn úıler salynýda.
Aýdan ákimi baspanaly bolǵandardy Táýelsizdigimizdiń 30 jyldyǵymen quttyqtap, shańyraqtaryna shattyq tiledi.
- Elimiz Táýelsizdik alǵaly halyqty baspanamen qamtýdyń birneshe baǵdarlamasy jasaldy. Úı alýdyń jańa múmkindikteri qarastyryldy. Osylaısha myńdaǵan otbasy qonys toıyn toılady. Búgin, mine, aýdanymyzdakópbalaly jáne múmkindigi shekteýli bala tárbıelep otyrǵan otbasylar jańa úıge kirip jatyr. Qonys jaıly bolsyn, mereke qutty bolsyn,- dedi aýdan ákimi Rahat Eltızarov.
