16-جەلتوقسان – تاۋەلسىزدىك كۇنى مەرەكەسىنەوراي مۇنايلى اۋدانى باتىر اۋىلىندا كوپ بالالىجانە وسال توپتاعى 80 وتباسىعا باسپانا بەرىلدى. ءار پاتەرى 70 شارشى مەتردى قۇرايتىن تۇرعىن ءۇي «نۇرلى جول» باعدارلاماسى اياسىندا سالىنعان.
باتىر اۋىلىنىڭ ىرگەتاسىن ماڭعىستاۋدىڭ ءتول پەرزەنتى، ابىز اقىن ءابىش كەكىلبايۇلى قالاپ، اتاۋىن دا ءوزى قويعان ەدى. بۇگىندە باتىر اۋىلىندا 13 مىڭنان استام ادام تۇرادى. ءوڭىر بويىنشا ەڭ كوپ تۋ كورسەتكىشى دە وسى اۋىلدا تىركەلىپ وتىر.
ايتا كەتەيىك، مۇنايلى – ەلىمىز تاۋەلسىزدىك العاننان كەيىن قۇرىلعان العاشقى اۋدان. اۋدان قۇرىلعان جىلداردان بەرى مۇنايلىدا جىلىنا ورتا ەسەپپەن 195-198 شارشى مەتر تۇرعىن ءۇي پايدالانۋعا بەرىلەدى. قازىر ماڭعىستاۋ جانە داۋلەت اۋىلدىق وكرۋگتەرىندە كوپقاباتتى تۇرعىن ۇيلەر سالىنۋدا.
اۋدان اكىمى باسپانالى بولعانداردى تاۋەلسىزدىگىمىزدىڭ 30 جىلدىعىمەن قۇتتىقتاپ، شاڭىراقتارىنا شاتتىق تىلەدى.
- ەلىمىز تاۋەلسىزدىك العالى حالىقتى باسپانامەن قامتۋدىڭ بىرنەشە باعدارلاماسى جاسالدى. ءۇي الۋدىڭ جاڭا مۇمكىندىكتەرى قاراستىرىلدى. وسىلايشا مىڭداعان وتباسى قونىس تويىن تويلادى. بۇگىن, مىنە، اۋدانىمىزداكوپبالالى جانە مۇمكىندىگى شەكتەۋلى بالا تاربيەلەپ وتىرعان وتباسىلار جاڭا ۇيگە كىرىپ جاتىر. قونىس جايلى بولسىن، مەرەكە قۇتتى بولسىن،- دەدى اۋدان اكىمى راحات ەلتيزاروۆ.
