Shymkenttegi iri saýda ortalyqtarynda dárigerler turǵyndardy qabyldaı bastady. QR Táýelsizdiginiń 30 jyldyǵyna oraılastyrylǵan densaýlyq kúni aıasynda «Shymkent-Plaza», «Mega-Planet», «Sever» saýda oıyn-saýyq ortalyqtarynyń qyzmetkerleri men qala turǵyndaryn beıindi mamandar tegin qabyldap, medıınalyq kómek kórsetedi.
Bıylǵy densaýlyq kúniniń basty taqyryby – «Deni saýdyń – jany saý» atty uranmen uıymdastyrylyp otyr.
Qaladaǵy adam kóp shoǵyrlanatyn saýda ortalyǵynyń birine arnaıy kelgen qalalyq №1 emhananyń bas dárigeri Mahambet Beıseýov pandemııa kezinde densaýlyq kúniniń atalyp ótýi mańyzdy ekenin aıtty.
– Qoǵamdyq orynda medıına mamandarynyń qabyldaý jumystary saǵat 10:00 men 18:00 aralyǵynda júredi. Kez-kelgen qala turǵyny ortalyqqa kelip dárigerdiń tekserýinen óte alady. Tańǵy ýaqyttan beri 50-den astam adam kelip, densaýlyǵyna qatysty shaǵymdaryn dárigerlerge aıtyp, tegin keńes aldy. Bizde pedıatr, kardıolog, nefrolog, okýlıst, terapevt, nevropatolog dárigeleri konsýltaııa berip jatyr. Akııanyń bir ereksheligi kelýshilerge dárigerlerdiń qabyldaýyna jazylý mindettelmeıdi. Keıbir beıindi medıına qyzmetkerleri qurylǵylarynyń bolmaýyna baılanysty kele almady, - dedi bas dáriger.
Saýda ortalyǵynda jumys isteıtin Edil Aqbaev dárigerlerdiń keńesine júginip, medıına salasynyń mamandaryna alǵysyn bildirdi.
– Kóbine jumystan qol bosamaı densaýlyǵymyzǵa kóńil bólmeı ketetinimiz bar. Ortalyǵymyzǵa dárigerlerdiń ózi izdep kelip turǵanda, mundaı múkindikti jibermeıin dep kardıolog, okýlısttiń keńesin aldym. Kózim men júregim mazalaıtyn. Emhanalarǵa barsaq kezek kóp bolady. Aldyn ala jazylý arqyly qabyldaıdy. Bul jerde izdegen dárigerlerimniń kelgeni qýnatyp tur. Qolyma reept jazyp berdi. Endi em qabyldap, densaýlyǵymyzǵa da qaraımyz. Osyndaı akııalar jıi bolyp tursa, halyq úshin paıdaly ǵoı, - dedi ol.
Densaýlyq kúniniń aıasynda qalanyń shalǵaı aýdandarynda da beıindi mamandardyń tekserýi ótýde. Atap aıtqanda, №11 qalalyq emhanasyna qarasty «Aqtas» dárigerlik ambýlatorııasynda №10 qalalyq emhanasyna qarasty «Qaınar» FAP-de, №12 qalalyq emhanasyna qarasty «Shapyrashty» dárigerlik ambýlatorııasynda, №7 qalalyq emhanasyna qarasty «Toǵys» dárigerlik ambýlatorııasynda halyqqa medıınalyq kómek kórsetýde.
